Toqaev jaŋa Zaŋǧa qol qoidy

Memleket basşysy azaptau men basqa da qatygez, adamgerşılıkke jatpaityn nemese qadır-qasiettı qorlaityn qarym-qatynas türlerınıŋ aldyn alu jäne sottalǧan adamdardyŋ qūqyǧyn keŋeitu turaly zaŋǧa qol qoidy, dep habarlaidy «Adyrna» tılşısı Aqordaǧa sılteme jasap. Būl zaŋ – elımızde jürgızılıp jatqan saiasi jäne qūqyqtyq reformalar aiasynda Qazaqstannyŋ azaptau men qorlaudyŋ basqa da türlerın joiuǧa, osy mäsele boiynşa halyqaralyq normalardy ūlttyq zaŋnamaǧa engızuge, sondai-aq sottalǧandardyŋ qūqyǧyn keŋeitıp, türmedegı terıs submädeniettıŋ qalyptasuyna jol bermeuge baǧyttalǧan jüielı qadamdardyŋ jalǧasy. Atap aitqanda, qūjatta mynadai normalar qarastyrylǧan: qatygez nemese adamnyŋ qadır-qasietın qorlaityn qarym-qatynas üşın jauapkerşılık qarastyrylady; azaptau üşın qylmystyq jauapkerşılıkke tartu şaralary qataŋdatylady; zaŋsyz äreketterdıŋ aldyn alu üşın tergeu amaldary kezınde audio jäne beine taspalau jüiesın qoldanu mümkındıkterı keŋeitıledı. Sonymen qatar Zaŋ sottalǧan adamdarǧa bırqatar qosymşa qūqyq beredı: — Auyr syrqatqa şaldyqqan jaǧdaida olarǧa jazany öteu merzımın keiıngı qaldyru qūqyǧy berıledı, iaǧni sottalǧan adamǧa medisinalyq mekemede şūǧyl em aluǧa mümkındık tuady; — Sottalǧan adamdy auyr dertke şaldyǧuyna bailanysty jazasyn öteuden bosatu turaly sot şeşımı dereu oryndalady (būryn sottalǧandar sottyŋ şeşımı zaŋdyq küşıne engennen keiın ǧana bosatylatyn); — Sottalǧan äielder men olardyŋ balalary arasyndaǧy äleumettık bailanysty saqtau üşın olarǧa öz balalaryn koloniiada qaldyruǧa rūqsat etu merzımı 3 jyldan 4 jylǧa ūzartyldy; — Būryn sottalǧan adamdardyŋ bırınşı ret ıstı bolǧan azamattarǧa terıs yqpal etuıne jol bermeu üşın sottalǧandardy qylmystyq-atqaru jüiesındegı mekemelerge bölu täsılderı özgeredı. Endı bırınşı ret sottalǧandar bas bostandyǧynan aiyru jazasyn būryn sottalǧandardan bölek jerde öteidı. Būl zaŋǧa baǧynuşylyq mınez-qūlyq qalyptastyruǧa mümkındık beredı. Jalpy zaŋnamalyq aktılerge engızılgen özgerıster adam qūqyqtaryn saqtauǧa berıletın kepıldıkterdı arttyrady. Sonymen qatar qauıpsızdık şaralaryn küşeitu, olardyŋ tüzeluıne jäne qoǧamǧa beiımdeluıne mümkındık jasau arqyly sottalǧan adamdardyŋ türmedegı jaǧdaiyn jaqsartudy közdeidı.