Bilim jáne ǵylym mınıstri ákimdik ókilderine oqýshylarǵa jábir kórsetilgen mektepterdiń dırektoryn jumystan bosatýdy usyndy. Bul týraly Erlan Saǵadıev málimdedi.
"Mınıstrlik mektep dırektorlary men oqý isiniń meńgerýshilerine eshqandaı shara qoldanbaǵan. Bul jergilikti atqarýshy organdardyń jumysy. Biraq bıyl biz belgili bir dırektordy jumystan bosatý týraly usynysty kópshilikke jarııalaımyz. Onyń ishinde álimjettik bolǵan mektep dırektorlaryn" - dedi Saǵadıev Bilim jáne ǵylym mınıstrliginiń keńeıtilgen otyrysynda.
IýNISEF málimetinshe, qazaqstandyq balalardyń 62 paıyzy zorlyq-zombylyqtyń qurbany bolǵan. Qańtardyń aıaǵynda áleýmettik jelilerde bir top jasóspirimniń kishi synypta oqıtyn oqýshylarjy uryp-soǵyp jatqany túsirilgen vıdeo taralǵan edi. Oqıǵa Túrkistan oblysynda bolǵan. Qaraǵandyda 11 jastaǵy balany oryn bermegendigi úshin soqqyǵa jyǵylǵan.
