Qoǵam belsendisi, jýrnalıst, birqatar jobalardyń avtory Rıza Isaeva jańadan saılanǵan QR Májilisiniń depýtattary men halyqqa qarata úndeý jasady, dep habarlaıdy "Adyrna" ulttyq portaly.
Rıza Isaeva óz jazbasynda depýtattardyń halyqqa bergen ýádesin oryndamaıtyn bolsa, saılaýshylardyń mandatty keri qaıtaryp alýǵa quqy bar ekenin jetkizdi.
- Qymbatty depýtattar, Májiliske endi saılanǵandardy aıtam!
Sizder, álgi saılaýaldy baǵdarlamalaryńyzdy bir ashyp, oqyp qoıyńyzdar. Óıtkeni baǵdarlamadaǵy ýádeler oryndalmaıtyn bolsa, saılaýshylardyń mandatty keri shaqyryp alý quqy bar!
Avtor sonymen qatar, saılaýshylarǵa da túsinik bere ketedi:
- Qymbatty saılaýshylar, depýtatqa kóńilińiz tolmasa, tipti onyń ádil saılanǵanyna kúmánińiz bolsa, onda sol depýtattyń jumysyn jiti baqylańyz. Óıtkeni, depýtat retinde jumysy kóńilińizden shyqpasa, onyń mandatyn keri shaqyryp, basqa depýtatty qaıta saılaýdy talap etý quqyńyz bar! Muny nege aıtyp otyrmyn. Osyndaı áreketter arqyly saıası júıeni óz qolymyzben túzeýge múmkindik bar!
Update: Qymbatty dıvan sarapshylar. Sarapshylyqty naq kórsetetin kez endi keldi. Ár depýtattyń saılaýaldy baǵdarlamasyn taldap, saraptar, myna jurtqa artyq-kemin aıtyp otyrýǵa, sóıtip upaı jınaýǵa bolady. Ol da úlken tájirıbe.Ulys oń bolsyn! Naýryzdan naýryzǵa aman-esen jete bereıik, - dep jazdy jýrnalıst.
"Adyrna" ulttyq portaly
