Almatynyń qaq ortasynda kóp qabatty úıden órt shyǵyp, 50 adam evakýaııalandy

661

 Almatynyń qaq ortasynda ornalasqan kóp qabatty úılerdiń birinen órt shyǵyp, nátıjesinde 50 adam evakýaııalandy. Bul týraly qalalyq Tótenshe jaǵdaılar departamentiniń resmı ókili Sandýǵash Baımuhambetova málimdedi dep jazady NUR.KZ.

Baspasóz hatshysynyń málimetinshe, órt Medeý aýdanyna qarasty Gogol kóshesiniń boıyndaǵy úıden shyqqan.

Tótenshe jaǵdaıdyń oryn alǵany týraly habarlama "101" qyzmetine saǵat 13:38-de kelip tústi.

Órt sóndirýshiler habarlama túsken soń, alty mınýtta oqıǵa ornynda boldy.

Órt sóndirý barysynda ekinshi qabattyń balkonynda kıimderdiń janǵany anyqtaldy. Jalyn páterge ene bastaǵan.

Órt sóndirýshiler 50 adamdy evakýaııalady. Olardyń ishinde segizi kishkentaı balalar bolyp shyqty.

Saǵat ekide órt tolyǵymen sóndirildi.

Órt shamamen 25 sharshy metr aýmaqty qamtydy. Turǵyndar arasynda zardap shekkender joq.

Oqıǵa kýágerleri órtenip jatqan úıdi vıdeoǵa túsirip, jelige júktep jibergen.

Pikirler
Redakııa tańdaýy