Ulytaý oblysynyń ákimshilik ortalyǵynyń turǵyndary men qonaqtary Naýryz meıramyn atap ótti. Halyqtyq mereke Jezqazǵan qalasynyń ortalyq kóshelerinde ótti. Negizgi is-sharalar Alash alańynda uıymdastyryldy.
Jezqazǵan qalasynyń turǵyndary men qonaqtaryn kóktemgi kún men túnniń teńelý merekesimen óńir basshysy Berik Ábdiǵalıuly quttyqtady. Jerlesterine beıbitshilik, baqyt jáne otbasylyq amandyq tileı otyryp, oblys ákimi Ulytaý óńirinde jaqyn arada abattandyrý, qaıta qurý jáne qurylys jumystary belsendi júrgiziletinin atap ótti. Quttyqtaýǵa QR Parlamenti Senatynyń depýtaty Sovetbek Medebaev qosyldy.
Aıta keteıik, Naýryz meıramynyń qurmetine Alashahan dańǵylynda dástúrli taǵamdary bar kıiz úıler ornatyldy. Sonymen qatar, Jezqazǵan qalasynyń turǵyndary men qonaqtaryna jergilikti talanttardyń qatysýymen konert, sondaı-aq "Naýryz kóje fest", «Palaý Party», «Baýyrsaq shoý», ulttyq sport túrleri boıynsha jarystar jáne basqa da merekelik is-sharalar usynyldy.
