Eńbek jáne halyqty áleýmettik qorǵaý mınıstrligi Qazaqstandaǵy ortasha zeınetaqyny atady, dep habarlaıdy «Adyrna» tilshisi.
Basqarmanyń málimetinshe, 2023 jylǵy qańtarda respýblıkalyq bıýdjetten 549,3 mlrd teńge somasyna zeınetaqy tólengen. Onyń ishinde bazalyq zeınetaqy – 168,7 mlrd teńge, yntymaqty zeınetaqy – 380,6 mlrd teńge.
«2023 jylǵy 1 naýryzdaǵy jaǵdaı boıynsha jıyntyq zeınetaqynyń ortasha mólsheri 120 992 teńgeni qurady, onyń ishinde yntymaqty zeınetaqy mólsheri – 83 089 teńge, bazalyq zeınetaqy – 37 903 teńge»,—delingen habarlamada.
Aıta keteıik, elimizde 2 mln 292 myń adam zeınetaqy alady.
