«AMANAT» partiiasynyŋ atynan Parlament Mäjılısınıŋ deputattyǧyna kandidattardyŋ tasqynnan zardap şekken öŋırlerdegı jūmysy jalǧasyp jatyr. Aqtöbe jäne Batys Qazaqstan oblystaryndaǧy kezdesu barysynda tūrǧyndar eldı mekenderdı qalpyna keltıru mäselelerın köterdı. Partiia zardap şekken audandarǧa 70 mln teŋgeden astam somaǧa qūrylys materialdaryn jetkızudı közdep otyr.
Aqtöbe oblysynyŋ Qobda audanynda 101 üi, Batys Qazaqstan oblysynda 80-ge juyq üi tasqynnan zardap şektı. Su basqan eldı mekenderdıŋ tūrǧyndarymen kezdesude «AMANAT» partiiasynyŋ müşelerı bölıngen kömektıŋ adamdarǧa jetken-jetpegenın naqtylap, üilerdı qalpyna keltıru üşın taǧy qandai kömek qajet ekenın anyqtady.
Mäjılıs deputattyǧyna kandidat Erlan Sairov zardap şekken audandarǧa on kün ışınde «AMANAT» partiiasy 70 mln teŋgeden astam somaǧa qūrylys materialdaryn jetkızetınıne uäde berdı. Eŋ aldymen, sement, sylaq (şpatlevka), linoleum jäne özge de qajettı materialdar jetkızıledı.
«AMANAT» partiiasy ärqaşan halyqpen bırge. Būl joly da partiialyqtar şet qalǧan joq. On kün ışınde partiia esebınen üilerdı qalpyna keltıruge qajettı qūrylys materialdary satyp alynyp, zardap şekkenderge jetkızıledı», – dedı Erlan Sairov.
Deputattyqqa kandidat jyl saiyn tasqyn belgılı bır jerlerde ǧana oryn alatynyn, bıraq onyŋ aldyn alu üşın jüielı şaralar qabyldanbaitynyn atap öttı. Sondyqtan, partiianyŋ sailaualdy baǧdarlamasynda qamtylǧan mındettıŋ bırı: tūrǧyndardy mausymdyq su tasqynynan qorǧau jäne gidrotehnikalyq qūrylystar jüiesınde tärtıp ornatu. Mäjılıstıŋ jaŋa şaqyrylymynda «AMANAT» partiiasynyŋ fraksiiasy tasqyn mäselesın zaŋnamalyq deŋgeide şeşuge kırısedı.
Tasqynnan zardap şekken tūrǧyndarǧa ötemaqy töleu mäselesı jeke talqylandy. Mäjılıs deputattyǧyna kandidat Erbol Salyqovtyŋ aituynşa, «AMANAT» filialdary ötemaqynyŋ ädıl ärı uaqtyly tölenuı mäselesın baqylauǧa alady.
Amanattyqtar tūrǧyndarǧa «AMANAT» partiiasynyŋ Aqtöbe oblysy boiynşa öŋırlık baǧdarlamasyn ıske asyru aiasynda aldaǧy 5 jylda 8 bögetke kürdelı jöndeu jürgızuge qol jetkızuge niettı ekenın jetkızdı.
2028 jylǧa deiın Batys Qazaqstan oblysynda 9 magistraldı su arnasy jäne 7 qoldanystaǧy su qoimasy qaita jöndeledı.
