Saıasatker, pýblııst, reseılik iri kásipker Mıhaıl Hodorkovskıı Pýtın men Sı zınpınniń kezdesýine qatysty saıası baǵa berdi. Onyń aıtýynsha, kezinde orystyń Altyn Ordaǵa otar bolǵany sekildi, endi Reseı Qytaıdyń óndiristik otaryna aınalady. Aldaǵy ýaqytta Qytaı qýana-qýana Reseıdiń tabıǵı baılyǵyn jutyp, ony "saýyn sıyrǵa" aınaldyrady, dep habarlaıdy "Adyrna" ulttyq portaly.
Saıasatker, Reseı bıligine jany qas kásipker Mıhaıl Hodorkovskıı Reseıdiń aldaǵy ýaqytta Qytaıdyń tabanyn súıip, tabıǵı baılyǵyn hanzýǵa jóneltýshi otarǵa aınalatynyna bek senimdi. Buǵan qatysty saıasatker tómendegideı pikir bildiredi:
- Eger Reseı óziniń bar baılyǵyn jıyp-terip, ýyljyp pisken shaǵynda bireýdiń aıaǵyna jyǵyla ketse, aqymaq qana mundaı múmkindikti ýysynan shyǵaryp alatyny sózsiz ǵoı. Ana qytaıyń keldi [Sı zınpın], alaqanyn tósep, aılasyn asyrdy. Myqty saıasat. Shyntýaıtynda, ol da óz eliniń múddesin birinshi orynǵa qoıyp, óz ultynyń jolynda jumys atqaryp otyr. Onyń Reseıdiń bolashaǵyn "urǵany bar".
"Adyrna" ulttyq portaly
