«Shymbulaq» taý shańǵy kýrorty Gınnestiń rekordtar kitabyna kirdi. Bul týraly QR Mádenıet jáne sport mınıstri Ashat Oralov óziniń feısbýk paraqshasynda habarlady, dep jazady "Adyrna" ulttyq portaly.
"Keshegi kún Qazaqstan fýtbol quramasynyń Danııa quramasyna qarsy oıyndaǵy tarıhı jeńisimen ǵana emes, sonymen qatar jańa álemdik rekordpen de este qalady. Shymbulaq - álemdegi túngi eń bıik taý shańǵysy kýrorty retinde Gınnestiń rekordtar kitabyna endi. Bul nátıje Shymbulaqtyń eń bıik núktesinde, teńiz deńgeıinen 3200 metr bıiktikte ornalasqan «Talǵar asýy» stanııasynda tirkeldi. Dál osy jerde saltanatty rásim ótti. Men is-sharaǵa jınalǵan megapolıs turǵyndary men qonaqtarynyń aldynda sóz sóıledim. Al Gınnestiń rekordtar kitabynyń resmı sýdıasy Sheıd Sýbashı trassanyń barlyq talaptarǵa sáıkestigin rastaı otyryp, tarıhı nátıjeni tirkedi. Sodan keıin Almaty turǵyndary men qonaqtary rekord tirkelgen taý baýraıynan tómenge jappaı syrǵanap tústi. Shymbulaq - jyl saıyn mıllıondaǵan qonaq keletin elimizdiń basty týrıstik baǵyttarynyń biri. Bul jerdiń biz barlyq jaǵynan damytqymyz keletin úlken áleýeti bar. Jańadan tirkelgen rekord mártebesi taý shańǵysy kýrortyn álemde teńdesi joq biregeı orynǵa aınaldyratynyna senimdimin. Men Almaty turǵyndary men qazaqstandyqtardy osy jetistikpen quttyqtaımyn. Bizdiń elde kóptegen tamasha oryndar bar. Sol sebepti men aldaǵy ýaqytta jańa rekordtardyń kýási bolatynymyzǵa senemin",- dep jazdy mınıstr.
"Adyrna" ulttyq portaly
