Nauryz aiynyŋ jiyrma bırı men jiyrma üşınşı jūldyzy aralyǧynda Türkıstan oblysyna qarasty Otyrar audanynda ūiymdastyrylǧan respublikalyq fotobaiqau aiaqtaldy.
Atalmyş fotobaiqau Ūlystyŋ ūly künı Nauryz merekesı qarsaŋynda, «Derektı foto» kursy aiasynda «Fotoöner» qoǧamdyq bırlestıgı, sonyŋ ışınde äl-Farabi atyndaǧy QazŪU jurnalistika fakultetı men «National Geographic-Qazaqstan» jurnalynyŋ jäne Otyrar audanynyŋ äkımı Säken Sūltanhanovtyŋ ūiytqy boluymen ötkızıldı.
Ūiymdastyruşylardyŋ aituynşa «Derektı foto» kursynyŋ basty maqsaty elımızde qūlaşyn endı jaiyp kele jatqan fotoönerdı jalpaq jūrtqa tanystyru, osy salaǧa qyzyǧuşylyǧy bar jandardy qanattandyru, qazaq fotoönerın älemdık deŋgeige köteru bolyp tabylady. Fotobaiqaudyŋ älemge äl-Farabidei oişyldy syilaǧan Otyrarda ötuınıŋ özı tegınnen tegın emes. Būl jaiynda Almaty qalasynan kelgen «Aspan Production» grafika dizainerı, rejisser Tılek Rysbek te söz ettı.
– Äl- Farabi älem filosofiiasynda özındık orny bar maŋyzdy figulardyŋ bırı. Onyŋ Aristoteldıŋ «Metafizikasyn» audaruy älem filosofiiasyndaǧy eleulı oqiǧa. Otyrar ekspedisiiasynda Otyrar qalasyndaǧy ülken bır auqymdy keŋıstık äl-Farabidıŋ tuǧan jerı degen boljamdy aiqyndai tüsetın sekıldı. Osyǧan deiın ony parsy ǧalymdary Auǧanstan jerınde, Färiabta tuǧan dese, köptegen zertteuşıler onyŋ Farab qalasynda ömırge kelgendıgın aitady. Negızı menıŋ baiqaǧanym, äl- Farabi atymen atalatyn ūlttyq joǧary oqu orny, köşe, mekemeler barşylyq. Iаǧni bız onyŋ tek atyn ūlyqtaumen şektelıp kelemız. Al, osy saparymyz arqyly bız äl-Farabidıŋ ruhani älemıne, bılımıne saiahattadyq desek te bolady, - dedı ol.Kie qonyp, qūt daryǧan Otyrarda ötken fotobaiqauda Otyrar audany äkımınıŋ orynbasary Aidos Qūlmahanov jäne «Derektı foto» kursynyŋ jetekşısı Serık Mūqyşūly, «Fotoöner» qoǧamdyq bırlestıgınıŋ töraǧasy, Asylhan Äbdıraiymūly syndy öz ısınıŋ mamandary törelık ettı. «Derektı foto» kursyna qatysyp, ırıkteuden ötken qatysuşylar üş kün boiy audan ortalyǧynda ötken Nauryz merekesın, odan bölek Arystan bab kesenesı, Otyrar qalaşyǧy syndy tarihi-mädeni oryndardy, Arys jaǧalauy siiaqty körıktı jerlerdı, muzeiler men eskertkışterdı künı-tünı ärtürlı rakursta türlı täsıldermen tüsırıp jarysty. Fotobaiqau nätijesınde üşınşı orynǧa almatylyq Ernūr Manaphan, Baqdäulet Äbduälı jäne Erqanat Amankel, ekınşı orynǧa almatylyq Äkbar Ürkınbaiūly men astanalyq Meiırbek Tajkuranov ie boldy. Tūŋǧyş «Derektı foto» kursy aiasynda ūiymdastyrylyp, üş künge sozylǧan fotobaiqauda öskemendık Danagül Äbdıkärım jeŋımpaz atandy. Jüldegerlerge diplomdar men aqşalai syilyqtar tabystaldy. Baiqauǧa qatysuşylarda ūiymdastyruşylarǧa öz alǧystaryn aityp, şaranyŋ maŋyzdylyǧyn tüsındırdı. Osy baiqau aiasynda taǧy da nazar audararlyq jait – fotograftar tuyndysyn özara taldaityn «Syn saǧaty» ötkızıldı. Būl fotoöner ökılderınıŋ şeberlıgın şyŋdauda köp kezdese bermeitın täjıribe.
– Otyrar qalasynda keremet «Syn saǧaty» öttı. Būl bız üşın ülken mümkındık, keremet täjıribe boldy. Basynda baiqau dep aitylǧanmen bız özara būny täjıribe almasu dep kördık. Sebebı bız būl jerde bılmegenımızdı üirenıp, bılgenımızben bölıstık. Būl baiqaudyŋ Otyrarda ötuınıŋ özı oryndy şeşım bolǧandai. Qai kezeŋdı almasaq ta Otyrar qalasy talai tarihi oqiǧanyŋ kuägerı. Ūly Jıbek jolynan özge memlekettermen qalai bailanys ornatsa, būl şaranyŋ osy jerde ötuı de qazaq fotoönerın älemdık deŋgeige baǧyttauda, jol bastaǧandai, - dep «Amanat» partiiasynyŋ «Jastar ruhy» JQ fotografy Meiırbek Tajkuranov jyly lebızın bıldırdı.
Nazerke Albertqyzy
