Mäjılıske ötken 6 partiia deputattarynyŋ tızımın jariialady. Qazaqstan qoǧamdyq damu institutynyŋ sarapşysy Jaqsybek Jienaliev sailanatyn deputattar endı elımızdı jaŋa bır deŋgeige köteredı degen pıkırımen bölıstı.
Sailau nauqany bastalǧaly berı bırqatar partiianyŋ ügıt-nasihat jūmystaryn belsendı atqarǧanyn kördık. Solardyŋ bırı «Amanat» partiiasy bügın kandidattarynyŋ tızımın ūsyndy. Qūramynyŋ 50 paiyzy būrynǧy deputattardan tūrady. Al qalǧan 50 paiyzy qazaq tılı mäselesın köterıp jürgen Maksim Rojin, äleumettık mäselelerge toqtalatyn Maqsat Tolyqbai, Nartai Aralbaiūly jäne saiasatker Samat Nūrtaza syndy elge tanymal azamattardan qūralǧan. Al jaŋadan qūrylǧan «Respublica» partiiasy da erekşe közge tüsıp, 6 mandatyn bilıkke ötkızdı. Onyŋ qūramynda būrynnan kele jatqan elge tanymal käsıpkerler, tūlǧalar bar. Öz basym partiialardyŋ atynan sailanatyn deputattar özektı mäselelerdı şeşıp, elımızdı jaŋa bır deŋgeige köteredı dep oilaimyn, - dedı Jaqsybek Aqtıleuūly.Sondai-aq sarapşy biylǧy sailaudyŋ bır erekşelıgıne toqtaldy.
Osy jolǧy ötken sailaudyŋ jaqsy jaŋalyqtarynyŋ bırı - «Auyl» partiiasynyŋ bilıkke ötuı. Halyqtyŋ būl partiiaǧa dauys berıp, senım bıldırgenı bızdı quantady. Sebebı auyl mäselesı qazırgı taŋda özektı bolyp otyr. Ony şeşu üşın bilıkke auylǧa jaqyn, janaşyr mamandar keluı tiıs, - dedı ol.Sonymen qatar Jaqsybek Jienaliev mümkındıgı şekteulı jandardyŋ mäselesı qaşanda maŋyzdy ekenın atap öttı.
Är partiia sailau kezınde 30 paiyzdyq kvota boiynşa öz kandidattaryn ūsyndy. Endı deputattyq qyzmetke taǧaiyndalatyndary mümkındıgı şekteulı azamattardyŋ mäselesın şeşetın bolady. Mysaly olarǧa arnalǧan qarapaiym qaladaǧy pandustardyŋ, arnaiy qoǧamdyq demalys oryndarynyŋ joqtyǧy bılınedı. Söitıp keide sol jandardyŋ qūqyqtary şektelıp jatady. Sondyqtan mümkındıgı şekteulı jandardyŋ mäselesı nazardan tys qalmai, Mäjılıste talqylanuy qajet dep esepteimın, - deidı ol.Qazaqstan qoǧamdyq damu institutynyŋ sarapşysy Mäjılıske 6 partiia ötedı dep kütpegen.
Negızı deputattar sailauyna qatysty boljamym basqaşa bolǧan. Bilıkke 4 partiia ötedı dep oiladym. Maǧan basqa da sarapşylardyŋ boljamy özgeşe bolǧan siiaqty körınedı. Sebebı 7 partiianyŋ 6-uy Parlamentke ötıp kettı. Būǧan ötken jyly salǧan saiasi reformalar men referendumdaǧy partiialardyŋ 5 paiyzdyq mejeden asyp ötuı sebep bolyp otyr, - deidı Jaqsybek Aqtıleuūly.
