Jelıde Nartai Aralbaiūlynyŋ aqyn Mūhtar Şahanovtan alǧan sūhbatynyŋ üzındısı talqyǧa tüstı, dep jazady "Adyrna" tılşısı. Beinede Şahanov Jambyl Jabaevqa qatysty öz şyndyǧyn aitty.
Jambyl Jabaevqa qatysty qatty aitqan pıkırıŋızge ökınbeisız be degen jurnalistıŋ sūraǧyna, Şahanov eş ökınbeitının, būl naǧyz şyndyq ekenın mälımdedı.
"Jambyldyŋ tuǧan jerınde menımen kezdesu bolǧan bolatyn. Jambyldyŋ nemerelerın, şöberelerın, şöpşekterın tanystyrdy. Bır kezde bır äiel şyǧyp, "Mūhtar aǧa, sız şynşyl aqynsyz ǧoi, sız Jambylǧa qalai qaraisyz" dedı. Men Jambylǧa öte ülken qūrmetpen qaraimyn dedım. Qūrmetpen qaraityn sebebım, Jambyl Stalinnıŋ tufliın keremet şeberlıkpen jalaǧan, qyrtys-qyrtysyna deiın jalaǧan dedım. Sondyqtan tufli jalau jaǧynan Jambyl bırınşı oryn aldy dedım. 99 jasqa kelgenınde tufli jalaudan maitalman şeber ekenın körsettı dep edım Jambyldyŋ ūrpaqtary bastaryn tömen salyp otyryp qaldy. Sol kezde bükıl el ornynan tūryp qol soqty. Şyndyq biıgınen körınıŋızder dedım jūrtqa" dep baiandady äŋgımesın Qazaqstan halyq jazuşysy Mūhtar Şahanov.Jelıde taraǧan video pıkırıne köpşılık Şahanovtyŋ aitqanyna narazylyǧyn jazdy. Endı bırı aqyndy şyndyq jarşysy dep sözıne sense, endı bırı "Mūhtar aǧadan mūndai kütpedık" dep oi bölısude.
