14 naýryz – Kórisý kúni merekesi. Shymkentte mereke «Astana» alańynan bastaldy. Onda qystan shyqqan jurtshylyq bir-birimen aman-saýlyq surasyp, tós qaǵystyrdy.
Qalanyń aıshyqty jeri Abaı saıabaǵynda da Shymkent-ırk, Abaı atyndaǵy qalalyq ortalyq kitaphana, Shymkent qalalyq saıası qýǵyn-súrgin qurbandarynyń mýzeıi mekemeleri kórisip, ánnen shashý shashyp, dámnen aýyz tıdi. Jınalǵan qaýymnyń kóńil-kúıi erekshe. Uly Abaı aıtqandaı, «Qyrdaǵy el oıdaǵy elmen aralasyp, kúlimdesip, kórisip, qushaqtasyp» máre-sáre bolysty. Ulttyq kıim kıgen, dombyrasyn asynǵan kópshilik qala turǵyndaryna merekeni sezindirdi.
– Kórisý – adamdardyń bir-birine amandasyp, jaqsylyq tileıtin qaýyshý merekesi ǵana emes, jasy úlkenderge izet kórsetip, iltıpat bildiretin izgi amal. Bul kúnniń óskeleń urpaqty izettilik pen meıirimdilikke, aýyzbirshilik pen kishipeıildilikke, tatýlyq pen baýyrmaldyqqa bastaıtyn taǵylymy mol. Kóktiń tynysyn tyńdap, jerdiń tamyryn basqan, turmys-tirshiligi tabıǵat-anamen tyǵyz baılanysqan halqymyz úshin Kórisý dástúri – jańarý men jasampazdyqtyń, yryc pen berekeniń bastaýy, – deıdi qala turǵyny Maqsat Ámirbekov.
