Shymkentte Qazaqstan halqy Assambleıasynyń músheleri A.Asqarov atyndaǵy dendrosaıabaqqa 100 túp aǵash otyrǵyzdy.
Ulystyń uly kúni — Naýryz meıramyn merekeleýde qalalyq QHA tarapynan túrli ıgi bastamalar qolǵa alynǵan. Búgingi «Taza qala» akııasy aıasynda ótip jatqan aǵash otyrǵyzý is-sharasy osynyń bir kórinisi.
—Shymkenttegi etnomádenı birlestikterdiń músheleri de Naýryz merekesin erekshe jaǵdaıda qarsy alyp, qazaq halqynyń salt-dástúrlerin jańǵyrtý, beıbitshilikti saqtaý, qaıyrymdylyqty jáne etnosaralyq qatynastar mádenıetin damytý, qoǵamdaǵy dostyq pen senimdi nyǵaıtý, qala aýmaǵyn abattandyrý sharalarymen jalǵastyrýdy maqsat etip otyr. Bıyl A.Asqarov atyndaǵy dendrosaıabaqta QHA múshelerine arnalǵan «Dostyq» alleıasy úshin jer bólindi. Búgin qalamyzdaǵy 17 etno-mádenı birlestiktiń tóraǵalary men qoǵamdyq qurylym ókilderi arnaıy bólingen jerge aǵash otyrǵyzýdy bastap ketti. Biz alǵashqy kezeńde 100 túp kóshet otyrǵyzýdy josparlap otyrmyz, - dedi Shymkent qalasynyń QHA hatshylyǵynyń meńgerýshisi Muhtar Aqjigituly.
Kóshet otyrǵyzý isi qalany kórkeıtýmen qatar qorshaǵan ortaǵa, tabıǵatqa, adamzatqa da jasalǵan qaıyrymdylyq degendi alǵa tartqan sheshen-ıngýsh etnomádenı birlestiginiń tóraǵasy Ramazan Mataev shymkenttikterdi kóbirek tal egýge shaqyrdy.
—Naýryz — beıbitshilik pen dostyqtyń, molshylyqtyń merekesi. Osy meıram qarsańynda aǵash otyrǵyzý akııasyn uıymdastyrý quptarlyq is. Ár adam joq degende bir aǵash egý kerek. Al, 10 kóshet otyrǵyzsa Jer-Ana aldyndaǵy myń paryzynyń birin oryndaǵany. Sondyqtan barsha qala turǵyndaryn óz qalamyzdyń tabıǵatyn jaqsartý, bolashaq urpaqqa úlgi etý úshin kóbirek aǵash otyrǵyzýǵa shaqyramyn,—dedi etnomádenı birlestik tóraǵasy.
Uıymdastyrýshalardyń sózinshe, tańnan bastaý alǵan kóshet otyrǵyzý akııasy keshke deıin jalǵasyn tappaq.
