Tırkelmegen ūiymnyŋ nasihaty
Jelıde 19 nauryz künı Petropavl qalasynda bır top belsendılerdıŋ Qazaqstannan «täuelsız» bolǧysy keletının jariialap, «Halyq keŋesı» atalatyn ūiym qūrǧany turaly beinejazba tarady. Jiynǧa jinalǧandar Qazaqstandy «korporasiia» dep atap, onyŋ qūqyqtyq negızderın joqqa şyǧarǧan. Beinejazbadan belsendıler qatarynda jergılıktı qazaqtardyŋ da baryn baiqauǧa bolady.«Bız özımızdıŋ täuelsızdıgımızdı, derbes äreket ete alatynymyzdy jäne egemendıgımızdı jariialaimyz. Jalpyǧa bırdei bölınbeitın ūlttyq mūrany saqtaudyŋ sözsızdıgın, tuǧan jerdegı azamattyq menşık qūqyǧynyŋ ainymastyǧyn eskere otyryp, Soltüstık Qazaqstan oblysynyŋ Petropavl qalasynda halyqtyq eŋbekşıler keŋesın jandandyryp jatyrmyz», - deidı belsendıler.Atalǧan beinejazba jelıde qyzu talqylanyp, jūrttyŋ narazylyǧyn tudyrdy. Tırkelmegen «Halyq keŋesı» öz ışınen töraǧa men hatşylaryn sailap, «deklarasiia», «jarǧy jobasy», «halyq keŋesınıŋ rämızderıne» deiın qabyldap ülgergen. Tıptı, äleumettık jelıde paraqşalaryn aşyp, ügıt jürgızudı de bastap ketkenge ūqsaidy.
Keŋestık GOST-pen ölşeu
Ūiym Qazaqstannyŋ azyq-tülık, bılım beru, medisina jüiesıne de pysqyrmaidy eken. Olar keŋestık bılım berudıŋ «sättı» bolǧanyn aityp, qazır onyŋ şeteldık surrogatpen auystyrylǧanyn synady.«Al joǧary, tehnikalyq jäne käsıptık bılım qarjylyq paida tabu qūralyna ainaldy. Azyq-tülık önımderı keŋestık GOST-qa säikes kelmeidı, adamdardyŋ ömırı men densaulyǧyna qauıp töndıretın tauarlar tolyp jatyr. Tegın medisina biznes salasyna ainalǧandyqtan qoǧam balalar men eresekterdı «emdeu» üşın qarajat jinaidy», - dep qosty 19 belsendı.
«Halyq keŋesı» qalai jazalanuy mümkın?
Soŋǧy mälımetterge qaraǧanda, separatistık äreketke şaqyrǧan osy ūiymǧa qarsy ıs qozǧalǧan.«Būl aqparat Soltüstık Qazaqstan oblysynyŋ polisiia departamentınde tırkeldı. Jedel-ızdestıru şaralary jürgızılude», - dep habarlady Soltüstık Qazaqstan oblysynyŋ polisiia departamentı.Käsıbi zaŋger Älıbek Uaqabūlynyŋ sözınşe, top müşelerın memleketke opasyzdyq jasaǧany üşın 13 jylǧa deiıngı bas bostandyǧynan aiyru jazasy kütıp tūr.
«Būl – bızdıŋ ūlttyq qauıpsızdıgımızge töngen qauıp. Ūiym müşelerın auyr jazaǧa tartuǧa tiıspız. Osyǧan jol bergender de şet qalmauy kerek. Būl bır künde paida bola qalǧan dünie emes. Äbden oilastyrylǧan, pysyqtalǧan. Üi ışınen üi tıguge ūmtylǧandar qoǧamnyŋ alaŋdauşylyǧyn tudyryp otyr», - deidı zaŋger.Bır qyzyǧy, «Qazaqstan korporasiiasyna bölıngenderdıŋ» mälımdemesı 19 nauryz, iaǧni däl saiasi nauqan, Qazaqstanda mäjılıs jäne mäslihat sailauy ötıp jatqan kezde jasalǧan.
Oralbai Mergenbaiūly,
«Adyrna» ūlttyq portaly
