2019 jyly bükılälımdık täj tajal kelıp, äbıgerge salǧan şaǧynda qandai da bır qūjat daiyndamaq bolyp Halyqqa qyzmet körsetu ortalyǧyna jolym tüstı. Ūzyn-sanar kezek kütıp tūrǧan şaqta kezeksız äldekımder janymyzdan ötıp jatty. Söitsek, ol azamattar sifrlandyrudyŋ jahandyq jaŋa ädısın paidalanu arqyly aldyn-ala tırkelıp qoiǧan. Däl osy kezde tehnologiia mümkındıkterınıŋ köz ılespes şapşaŋdyqpen damyp jatqanyna köz jetkızdık. Odan berı taǧy 2-3 jyl uaqyt öttı. Halyqqa qyzmet körsetu oryndaryna baryp, ūzyn-sonar kezek kütıp alatyn anyqtamalardy ūialy bailanys nömırge engızılgen modildı qosymşalar arqyly saqtap alatyn därejege jettık.
Qaisybırkünı sifrlyq tehnologiianyŋ damyǧany sonşalyq üiden şyqpai-aq talai tırlıktı oŋtaily şeşuge bolatynyna qanyq boldyq. Jyl emes, ai emes, kün saiyn alǧa jyljyǧan tehnologiia jaŋalyqtaryn baqylyp otyru da bırazǧa jük bolady. Ötken jyldyŋ soŋynda Memleket basşysy Qasym-Jomart Kemelūly Toqaev Türkı memleketterı ūiymy basşylarynyŋ sammitınde Astana Hub halyqaralyq tehnoparkınıŋ bazasynda Sifrlandyru ortalyǧyn qūrudy ūsynǧan bolatyn.
«Qazırgı geosaiasi jaǧdaida elder tehnologiia jaǧynan bır-bırınen oqşaulanyp barady. Sondyqtan türkı elderınıŋ IT salasyndaǧy soŋǧy jaŋalyqtaryna jıtı nazar audaru kerek. Būl bızdıŋ sifrlyq damuymyzǧa jol aşady», – dedı Q.Toqaev.Memleket basşysy aitqandai, almaǧaiyp şaqtyŋ özınde tehnologiiaǧa sūranys orasan. Jäne kımnıŋ tehnologiiasy myqty sol jılıktıŋ eŋ mailysyn iemdenedı. Älemde oryn alyp jatqan geosaiasi jaǧdailar IT salasyndaǧy mamandar şabytyn oiatyp jatqandai dersıŋ. Kün saiyn jaŋaşyldyq tanytyp, jaŋa dünieler qoldanysqa enıp jatyr. Būl rette Memleket basşysy aitqandai türkı elderınıŋ IT salasyn jıtı qadaǧalauǧa alyp, jastardyŋ osy baǧytta tereŋdetıp bılım aluyna jaǧdai jasau kerek. Atalǧan basqosuda Qasym-Jomar Kemelūly memleketter arasyndaǧy IT habtar arasynda kelısım bolǧanyn tılge tiek etken-dı.
«Memleketterımızdıŋ IT habtary arasyndaǧy özara ıs-qimyl turaly memorandumǧa qol qoiyldy. Osy rette men Astana hab halyqaralyq tehnoparkı negızınde Türkı memleketterı ūiymynyŋ sifrlandyru ortalyǧyn qūrudy ūsynamyn. Būl qūrylym sauda, kölık, su resurstary, aqparattyq qauıpsızdık jäne basqa da salalarǧa qajettı sifrlyq şeşımder äzırleuge mümkındık beredı», – dedı Q.Toqaev. Aqorda basşysynyŋ būl taqyrypqa äuelden aşyq ekenın jaqsy bılemız. Jaŋadan Prezident bolyp sailanǧan jyldardan bastap Sifrlandyruǧa orasan zor köŋıl bölıp keledı. «Sifrlyq Qazaqstan» memlekettık baǧdarlamasyn jüzege asyru jönınde araniy keŋes te ötkızıp, naqtyly tapsyrmalar da berıldı. «Qazaqstan Prezidentı Ükımet pen ŪQK bırlesıp aqparattyq resurstardy jäne jalpy «sifrlyq derbestıktı» tiımdı qorǧaudy qamtamasyz etu jönınde tapsyrma berdı. Onyŋ aituynşa, būl maqsatta aqparattyq qauıpsızdıktıŋ 10 jedel ortalyǧyn qūru jūmysyn jalǧastyru qajet. Sondai-aq «aqparattyq qauıpsızdık» mamandyǧy boiynşa bılım beru grantyn kemı ekı myŋǧa deiın arttyru kerek», – degen edı memleket basşysy.Taqyryp älı de özektılıgın joiǧan joq. Jäne aldaǧy uaqytta da sūranys arta bermek.
