Petropavldegı “Halyq keŋesın” qūrdyq degen seperatorlar keşırım sūrap, ūiymnyŋ belsendılerı öz äreketterın tüsındıruge tyrysyp, oppozisiia jetekşısı Mūhtar Äbliazovtı jäne videony jariialaǧan “Bäse” kanalyn jala japty dep aiyptady. Būl turaly olar jelıge video jariialady, dep habarlaidy “Adyrna” ūlttyq portaly.
Olardyŋ aituynşa, taraǧan videoda olar täuelsızdıgın Qazaqstannan emes, oligarhtardan alu keregın aitqan."Ökınışke qarai, Qazaqstanda oligarhtar men jemqorlar türındegı korporativtık qūram bar. Bız osy korporativtık qūramdas bölıkten täuelsızdıgımızdı, avtonomiiamyzdy jäne egemendıgımızdı jariia ettık", - deidı olar.
Sondai-aq, olar keibır BAQ, blogerler, videony taratqan “Bäse” kanalynyŋ jäne Mūhtar Äbıliazovtyŋ jala japqanyn aityp, aqtaldy.
«Būl prosestı Äbliazov jäne basqa da köptegen blogerler jürgızdı, olar halyqty adastyrdy. Bızdıŋ soŋǧy jyldardaǧy ıs-äreketımız onyŋ tek beibıt şeşımdermen ūştasyp jatqanyn rastaidy.
Bızge jäne bızdıŋ jaqyndarymyzǧa qauıp tönude. Aiǧaqtardyŋ barlyq skrinşottary ŪQK qyzmetkerlerı tärkılegen telefondarymyzda bar. Müddelı taraptar būl jaǧdaidy elde alauyzdyq tudyru üşın ädeiı paidalanyp otyr», - dep qosty belsendıler.
Eske salaiyq, petropavldyq belsendıler äleumettık jelılerde Qazaqstan saiasatyn synaityn paraqşalardy jürgızedı. Olar Qazaqstan bilıgınıŋ ökılderın, zaŋnamalyq aktılerdı moiyndamaidy. Belsendıler öz basylymdarynda Qazaqstan Respublikasyn «korporasiia» dep ataidy.
ŪQK men Soltüstık Qazaqstan polisiiasy separatizmdı nasihattau faktısı boiynşa tergeu bastady.
