Būl turaly Ūlttyq qauıpsızdık komitetı töraǧasynyŋ orynbasary – Şekara qyzmetınıŋ direktory Erlan Aldajūmanov aitty, dep habarlaidy "Adyrna" ūlttyq portaly.
«Serık Küdebaev memlekettık şekarany resmi ötkızu punkterı arqyly kesıp ötken joq. «Küdıktı memlekettık şekarany zaŋsyz kesıp, Qyrǧyz elıne öttı jäne ol jaqtan üşınşı elge ketıp qaldy» degen aqparattyŋ tüsuıne bailanysty şekaraşylar memlekettık şekarany zaŋsyz kesuı mümkın jerdı anyqtau üşın qyzmettık tekseru jürgızıp jatyr. Būl jūmysqa körşı el de qosyldy. Qyrǧyz Respublikasynyŋ şekara qyzmetıne resmi saual jıberıldı. Menıŋşe, qazırgı uaqytta bır närse aituǧa erte. Jürgızılıp jatqan tekserudıŋ aiaqtaluyn kütu qajet», - dedı Erlan Aldajūmanov.Sonymen qatar ol şekara qyzmetı Serık Küdebaevtyŋ elden qaşyn ketkenın 27 nauryzda bılgenın atap öttı. Eske sala keteiık, 3 säuırde Serık Küdebaevqa halyqaralyq ızdeu jariialanǧan bolatyn.
