Mäjılıs deputaty Qazybek İsa Petropavlda bolǧan jaǧdaidy qataŋ baqylauǧa alu qajet ekenın aitty, dep habarlaidy "Adyrna" ūlttyq portaly.
Ol deputatyq saualyn Premer-Ministr Älihan Smaiylovqa, Bas prokuror Berık Asylovqa, ŪQK töraǧasy Ermek Saǧynbaevqa joldady.
"19 nauryzda Petropavlda 19 separatist «Halyqtyq keŋes» ūiymyn qūryp, Qazaqstan Täuelsızdıgın moiyndamaitynyn jariialady. Tek qoǧamdaǧy ülken şudan soŋ oblystyq qūqyq qorǧau organdary «qylmystyq ıs qozǧaldy» degen bolar-bolmas habar taratty. Oǧan deiın jarty ai ötkenşe, olar qaida qarap kelgen? Qylmystyq kodekste memleket bırtūtastyǧyn būzuǧa şaqyrǧandarǧa qataŋ jaza bar. Al osy qylmysqa barǧan 19 separatist tük bolmaǧandai üilerınde otyr. Al separatizm qaupın aldyn ala sezıp, batyl qarsy şyǧyp küresken Marǧūlan Boranbai 3 jyldan berı tas türmede otyr...», - dedı deputat Qazybek İsa.Onyŋ pıkırınşe, qazır ūltşyldyqpen emes, ūltsyzdyqpen küresetın kez. Sondai-aq Petropavl men Pavlodar qalalarynyŋ tarihi atauyn da qaitaru kerek.
«Bos jatqan jer jau şaqyrady» degen. Keŋ baitaq jerımızdegı az qazaqtyŋ qataryn toltyrar altyn qorymyz – şettegı qalyŋ qandas köşıne şekteu qoiǧandar, Soltüstıktı oŋtüstıkten qonys audaruşylarmen toltyru jobasyn jolda qaldyrǧandardyŋ jauap beretın kezı keldı! Özımız, öz bilıgımız qala köşelerınen Täuelsızdık atyn alyp tastasa Täuelsızdık qadırın jat qaidan ūqsyn? Būǧan kınälı äkımder bylq etpei oryndarynda älı otyr…», - dedı deputat.Aita keteiık, 19 nauryz künı Petropavl qalasynda bır top belsendıler Qazaqstannan «täuelsız» bolǧysy keletının jariialap, «Halyq keŋesı» atalatyn ūiym qūrǧan bolatyn. Sol oqiǧadan soŋ olardyŋ üstınen qylmystyq ıs qozǧalyp, Qazaqstan halqy Assambleiasy belsendılerdı aiyptady. Artynşa, olardyŋ keşırım sūraǧan beinejazbasy paida boldy. Sözderınşe, tüsınbestık bolǧan jäne mūny Äbliazovtyŋ adamdary alauyzdyq tudyru üşın ūiymdastyrdy dep esepteidı.
