Juyrda Qazaqstan halyq partiiasy Töraǧasy orynbasary Serıkqali Mūqaşev özınıŋ basşysy Ermūhamed Ertısbaevqa qatysty äleumettık jelıde atyşuly jazba jariialady.
Serıkqali Mūqaşev öz jazbasynda Ermūhamet Ertısbaevqa senımsızdık bıldırıp, partiia töraǧasyn qaita sailau turaly mäsele kötermekşı bolǧanyn mälımdedı.
Adyrna.kz ūlttyq portaly partiianyŋ baspasöz qyzmetıne habarlasyp, män-jaidy bılgısı kelgen. Alaida QHP dauly oqiǧaǧa bailanysty läm-mim demedı.
Bügın Mäjılıstıŋ jalpy otyrysynda QHP atynan Mäjılıs deputaty bolǧan İslam Sūŋǧatqa Ermūhamet Ertısbaevqa qatysty sūraq qoidyq. Jas deputat mandatqa qol jetkızgen basşysyna qatysty sūraqqa saq jauap berdı.
– Serıkqali Mūqaşev äleumettık jelıde partiianyŋ ışındegı alauyzdyq turaly mäsele köterdı. Būl mäselemen tanyssyz ba?
– Qandai alauyzdyq turaly aityp jatyrsyz? Partiiada eşqandai kelıspeuşılık joq.
– Serıkqali Mūqaşev jalǧan aqparat taratyp jatyr ma?
– Ol naqty ne närse aityp jatqanyn bılmeimın. Partiiadaǧy kez kelgen şeşım kollegialdyq organda şeşıledı. Demokratiialyq sentralizm şeŋberınde jasalyp jatyr.
– Mūqaşevtyŋ jazbasyn oqymadyŋyz ba?
– Ol mätınmen tolyqtai tanysqanym joq. Ne sebeptı ondai pıkır jazyp jatqanyn bılmeimın. Ol onyŋ subektivtı pıkırı boluy mümkın. Kez kelgen şeşım partiialyq ūiym bolǧandyqtan demokratiialyq sentralizmge negızdeledı. Bır adamnyŋ jeke oiyna baǧynbauy tiıs.
– Serıkqali Mūqaşev partiia töraǧasynyŋ ıştegı tärtıptı būzyp jatqany turaly jazdy. Jalpy Ertısbaevtyŋ partiiadaǧy rölıne qatysty sız ne aitasyz?
– Jalpy özım partiia qatarynda 7 jyldan berı jūmys ıstep kelemın. Naqtyraq aitsam jiyrma bır jasymnan berı partiiada eŋbek etıp jatyrmyn. Ortalyq apparatqa bır jarym jyl būryn jūmysqa keldım. Jalpy qazır QHP bolyp jatqan özgerıster partiianyŋ tanymaldyǧy men ışı jūmystaryna oŋ äserın tigızude.
– Partiiadan Jambyl Ahmetbekov, Ǧaziz Qūlahmetov sekıldı azamattar kettı. Partiianyŋ ışınde alauyzdyq bar sekıldı...
– Olardyŋ naqty qandai sebeppen ketkenın men bılmeimın. Bıraq olardy eşkım qudalaǧan joq, kerısınşe jūmysqa şaqyryldy. Bärı aşyq türde jūmys ıstep jatyr.
– Serıkqali Mūqaşevtyŋ jazuynşa, Ertısbaev «Menı Qasym-Jomart Toqaev taǧaiyndady» dep aitatyn körınedı. Būl söz qanşalyqty qisyndy?
– Töraǧany demokratiialyq sentralizmge sai sezdıŋ jūmys barysynda delegattar sailady.
– Serıkqali Mūqaşevtyŋ jazbasynan keiın partiiada qandaida bır özgerıs bola ma? Naqtyraq aitsaq Ertısbaev töraǧalyqtan kete me?
– Eger mūndai mäsele köterıletın bolsa, demokratiialyq sentralizmge bailanysty būl sūraq qarastyrylady. Būl bır adamnyŋ aitqanyna bailanysty emes, ūjymdyq deŋgeide şeşıledı. Iаǧni, köpşılık dauyspen şeşım qabyldanatyn bolady. Bıraq qazırgı taŋda partiiamyzdyŋ saiasi keŋes müşelerı men biuro müşelerı mūndai mäsele köterıp otyrǧan joq.
– Ertısbaev partiiany qalai basqaryp otyr dep oilaisyz?
– Menıŋ oiymşa, Ertısbaevtyŋ arqasynda partiia halyq arasynda tanylyp kele jatyr. Mysaly bızge köptegen qandastar qosylyp jatyr. Odan bödek profsoiuz, şahterlar qosyldy. Būl kısınıŋ täjıribesıne sai bızdı halyqtyŋ ışınen şyqqan auqymdy äleumettık toptar qoldap jatyr. Būl onyŋ jūmysynyŋ körsetkışterınıŋ bırı dep esepteimın. Men öz basym Ertısbaevtyŋ ziianyn körıp jatqan joqpyn.
Serık Joldasbai
"Adyrna" ūlttyq portaly
