Äue keŋıstıgınde ūşu qauıpsızdıgın qamtamasyz etetın «Qazaeronavigasiia» RMK qyzmetterıne jūmsalatyn şyǧyndar aviabilet qūnynyŋ ösuıne äser etedı. Būl turaly Sybailas jemqorlyqqa qarsy strategiiasynyŋ arnaiy monitoring tobynyŋ müşesı Andrei Andreev «Golos naroda» Youtube arnasyna bergen sūqbatynda aitty, dep habarlaidy «Adyrna» tılşısı orda.kz-ke sılteme jasap.
2015 jyly qazaqstandyq kompaniia men «Qazaeroservis» AQ arasynda memlekettık satyp alu räsımderı arqyly 4 doplerlık meteorologiialyq radiolokatordy jetkızu boiynşa kelısımşart jasaldy. Ol jerde tauardy alu jäne ıske qosu-baptau, loktator ornatuǧa arnalǧan baǧana salu jūmystaryn eseptegende ärqaisysy 484 mln teŋgege baǧalanǧan. Alaida köp ūzamai käsıporyn taratylady. Bır qyzyǧy, onyŋ ornyna qūrylǧan «Qazaeronavigasiia» respublikalyq memlekettık käsıporny būl qyzmetterdı 4 ese qymbat baǧaǧa satyp alǧan.
«Bastapqyda jabdyq 1,7 milliard teŋgeden säl az baǧalanǧan bolsa, keiın baǧasy 4,8 milliard teŋgege jettı. Mäsele onyŋ bırınşı jetkızuşıden alynǧanynda bolyp tūr. Iаǧni, baǧa ösırılıp satyldy. Būl äue biletınıŋ qūnyna tıkelei äser etedı. Aviakompaniia äuejailarǧa qaşan ūşuǧa bolady syndy aeronavigasiialyq aqparatpen qamtamasyz etkenı üşın aqşa töleidı. Būl qarjyny aqtau üşın äuejai berıletın aqparat qūnyn ösıredı»,—dedı Andreev.Aituynşa, keiınnen «Qazaeroservis» üşın satyp alynǧan lokatorlardy 2018 jyly «VS TRADE» JŞS 4 qūrylǧyny 423,7 mln teŋgeden satyp alǧany anyqtaldy. Osy 4 doplerlık meteorologiialyq radiolokator «Qazaeronavigasiia» RMK-ǧa ärqaisysy 1,2 mlrd teŋgeden satyldy, jalpy soma 4,8 mlrd teŋgenı qūrady. Aiyrmaşylyq 3,1 mlrd teŋge şamasynda bolyp otyr. Osy oraida «Nege sol radiolokatordy basqa kompaniia arqyly şamamen 4 ese qymbat baǧaǧa satyp alu kerek boldy?» degen sūraq tuyndaityny sözsız. Sūqbattyŋ tolyq nūsqasyn köru üşın sıltemenı basyŋyz. https://youtu.be/yusz6encNBs
