Taldyqorǧanda 3 jasar balany ūryp öltırgen 24 jastaǧy tūrǧyn 10 jylǧa sottaldy. Būl turaly Jetısu oblystyq soty baspasöz qyzmetı mälımdedı, dep habarlaidy “Adyrna” ūlttyq poratly.
"Kınänı jeŋıldetetın män-jaǧdailardy, iaǧni sottaluşynyŋ būryn sotty bolmaǧandyǧyn, şyn jürekten ökınuın, jäbırlenuşınıŋ ony keşıruın jäne kınänı auyrlatatyn män-jailardyŋ joqtyǧyn eskere otyryp, sot sottaluşyǧa 10 jylǧa bas bostandyǧynan aiyru jazasyn taǧaiyndady. Jazany qylmystyq-atqaru jüiesınıŋ ortaşa qauıpsız mekemesınde öteu belgılendı", - dedı Jetısu oblystyq soty baspasöz qyzmetınıŋ ökılı Nūrsūltan Orynbasarov.Aita keteiık, 2022 jylǧy qyrküiekte Taldyqorǧandaǧy auruhananyŋ bırınde 3 jasar bala köz jūmdy. Därıgerler balaǧa bas jaraqaty diagnozyn qoiǧan. Säbi ölımıne qatysy bar degen küdıkpen osy balany qarap-baqqan 23 jastaǧy jergılıktı tūrǧyn ūstaldy. Boijetken UŪİ-ǧa qamaldy, bıraq qalalyq sot küdıktıge "üi qamaǧy" sanksiiasyn berdı. Alaida, küdıktı keiın qaitadan türmege toǧytyldy.
"Üiqamaqqa jıberılgen küdıktı būǧan deiın sottalmaǧan, kınäsın tolyq moiyndaǧan, tergeuden qaşpaǧan, tūrǧylyqty jerı bolǧan. Osyny negızge alyp, sot ony üiqamaqqa jıbergen. Būl jerde bız sottyŋ şeşımın zaŋsyz dep sanamaimyz, bıraq negızsız dep sanaimyz. Sol sebeptı, qylmys auyr sanatqa jatatyndyqtan, küdıktı qoǧam üşın qauıptı boluy mümkın. Soǧan säikes, bız prokuratura tarapynan sottyŋ küdıktını üiqamaqqa jıbergen şeşımımen kelıspei, qaita küdıktını qamauǧa alu jönınde ötınış hat joldadyq. Sot bızdıŋ ötınışımızdı qanaǧattandyryp, küdıktını qaita qamauǧa alu jönınde şeşım şyǧardy", - degen edı qala prokurory Baqytjan Aşeev.Atalǧan faktı boiynşa saraptama taǧaiyndala otyryp, tergeu QR QK 106-baby 3-bölıgı (abaisyzda jäbırlenuşınıŋ ölımıne äkep soqqan densaulyqqa qasaqana auyr ziian keltıru) negızınde jürgızıldı.
Ūqsas jaŋalyqtar
