Jambyl oblysynyŋ qoǧam belsendısı Berıkbol Valihanov özın qudalau jalǧasatyn bolsa, apelliasiialyq şaǧym tüsıretının jäne äkımşılık sottyŋ aldyna öz-özın örtep jıberuge mäjbür bolatynyn aitty. Būl turaly ol Facebook paraqşasyna video jariialady, dep habarlaidy “Adyrna” ūlttyq portaly.
Jambyl oblysy densaulyq saqtau basqarmasynyŋ basşysy - Ospanova Janar Myqtybekqyzy qoǧam belsındısı - Berıkbol Valihanovtyŋ üstınen arzdanǧan. Sot şeşımıne säikes, Berıkbol Valihanov aiypty dep tanylyp, äkımşılık jazaǧa tartylǧan. Alaida būl şeşımge qoǧam belsendısı Berıkbol Valihanovtyŋ özı qarsy.
“Apelliasiialyq şaǧym tüsıremın, eger būl qudalaular bastalsa, men äkımşılık sottyŋ aldynda tūryp, osy mäselenı köteremın. Özımmen bırneşe litr benzin, telefon, ottyq alam, bərınen şarşaǧandyqtan osy qadamǧa baramyn. Olar menı sotqa berdı, men de osy qadamǧa baramyn. Būryn Talǧat Qyryqpaev qalalyq sottyŋ aldynda özın örtep jıbermek bolǧanda men ony qūtqaryp qaldym. Men ol kezde senbegen edım.
Būl jerde ädıldık joq. Taraz oblysynda da, Jambyl sotynda da ädıldık joq. Sot ne qalaidy, sony jasaidy.
Bärı Ospanova hanymnan qorqady. Kım ol? Ol Şymkenttıŋ Şardara degen jerınen kelgen. Men onyŋ bylyqtaryn aşyp bere alamyn. Nemese onyŋ antikormen söilesken jazbasyn jariialai alamyn. Olardyŋ basy ketedı, oblystyŋ äkımınıŋ de, antikordyŋ basşysy da jäne densaulyq saqtau basşylyǧynyŋ da bylyǧy aşylady. Maǧan Antikor: “eşteŋe ıstei almaimyz, Ospanovanyŋ “kökesı” bar” deidı.
Osy üşın örteu qaldy ma? Sebebı, oblysta özınıŋ qalaǧanyn ıstep otyrǧan bır adammen kürese almai otyrmyz.
Şyndyqty aityp, jantalasyp jügırıp, halyqtyŋ jaǧdaiyn oilap jürmın. Jambyl oblysynyŋ auruhanasy 623 mln teŋgege qaryzǧa batqan. Jūmysşylary eŋbek demalysyn, zeinetaqysyn, aqşasyn ala almai jatyr. Olarǧa eşqandai kömek joq. Densaulyq saqtau ministrı qaida? Ol bızde nege estımeidı?”,- dedı ol.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz