Eŋ aldymen Memleket basşysy Nūrsūltan Nazarbaev Asqar Mamindı QR Premer-Ministrı lauazymyna taǧaiyndau turaly Jarlyqqa qol qoidy.
Premer-Ministrdıŋ bırınşı orynbasary - Qarjy ministrı lauazymyna Älihan Smailov taǧaiyndaldy.
Sonymen bırge, QR İndustriia jäne infraqūrylymdyq damu ministrlıgın basqarǧan Jeŋıs Qasymbek Premer-Ministrdıŋ orynbasary boldy.
Elbasy Jarlyǧymen Gülşara Nauşaqyzy Äbdıqalyqova Qazaqstan Respublikasynyŋ Memlekettık hatşysy qyzmetınen bosatylyp, Qazaqstan Respublikasy Premer-Ministrınıŋ orynbasary bolyp taǧaiyndaldy.
QR Syrtqy ıster ministrı lauazymynda Beibıt Atamqūlov qyzmet etedı.
Taǧaiyndalǧanyna köp uaqyt öte qoimaǧan QR Işkı ıster ministrı Erlan Tūrǧymbaev ta öz qyzmetınde qaldy.
Nūrlan Ermekbaev QR Qorǧanys ministrı lauazymynda öz qyzmetın jalǧastyrady.
QR İndustriia jäne infraqūrylymdyq damu bırınşı vise-ministrı qyzmetın atqarǧan Roman Skliar Prezident Jarlyǧymen İndustriia jäne infraqūrylymdyq damu ministrı lauazymyna taǧaiyndaldy.
Sondai-aq, bügın Bılım jäne ǧylym ministrlıgıne jaŋa basşy taǧaiyndaldy. Būl qyzmetke «Nazarbaev Ziiatkerlık mektepterı» DBBŪ Basqarma Töraiymy bolǧan Küläş Şamşidinova taǧaiyndaldy.
Aqtöbe oblysynyŋ äkımı bolǧan Berdıbek Saparbaev QR Eŋbek jäne halyqty äleumettık qorǧau ministrı bolyp taǧaiyndaldy.
QR Premer-Ministrınıŋ orynbasary bolǧan Asqar Jūmaǧaliev jaŋadan qūrylǧan QR Sifrlyq damu, qorǧanys jäne aeroǧaryş önerkäsıbı ministrlıgınıŋ basşysy bolyp taǧaiyndaldy.
Sondai-aq, QR Auyl şaruaşylyǧy ministrlıgıne jaŋa ministr keldı. Būl lauazymǧa Saparhan Omarov taǧaiyndaldy.
QR Ūlttyq ekonomika ministrlıgıne Ruslan Dälenov taǧaiyndaldy.
QR Aqparat jäne kommunikasiialar ministrı bolǧan Däuren Abaev qaita qūrylǧan Aqparat jäne qoǧamdyq damu ministrı bolyp taǧaiyndaldy.
Mädeniet jäne sport ministrı lauazymynda Arystanbek Mūhamediūly özgerıssız qaldy.
Energetika ministrlıgın de Qanat Bozymbaev basqaratyn bolady.
Densaulyq saqtau ministrı qyzmetınde Eljan Birtanov qalady.
QR Ädılet ministrı bolǧan Marat Beketaev ta öz qyzmetınde qaldy.
Sonymen bırge, Memleket basşysy Nūrsūltan Nazarbaev Erbolat Dosaevty Ūlttyq bank töraǧasy lauazymyna taǧaiyndau turaly Jarlyqqa qol qoidy.
"Qazaqparat" agenttıgı
