Keshe ǵana Jańaózendegi jaǵdaıdy habarlaǵan bolatynbyz. Jumys izdep ashynǵan halyq on kúndeı kóshege shyǵyp, bılikten eki qolǵa bir kúrek suraǵan edi.
Halyqtyń qoıyp otyrǵan talaby áleýmettik máseleler. Jumyssyz azamattarǵa jumys taýyp berý. Sosyn, jastar máselesi. Sebebi, moratorıı jarııalanǵaly dıplom alǵan jastar jumysqa qabyldanbaı qaldy. Batys óńir munaıly ólke bolǵandyqtan bul jaqtyń jastary mektep bitirisimen munaı-gaz salasyna oqýǵa túsedi. MańǵystaýMunaıGaz ben ÓzenMunaıGazǵa jumysqa turýǵa tyrysady.
Osy jolǵy halyqtyń talaby munaı kompanııalary ǵana bolmaı tur. "ÓzenMunaıGazǵa oryn joq bolsa joq shyǵar, túsinemiz. Kaspııdiń jaǵasy keń ǵoı. Sol jerden balyq aýlaıtyn, balyq óńdeıtin, shprot, kılka shyǵaratyn zaaýyttar salyp bersin. Halyqty jumyspen qamtamasyz etedi, ári óz ónimimizdi paıdalanamyz. Óz betińmen baryp balyq aýlasań brakoner retinde sottalasyń" dedi bizge habarlasqan jańaózendik turǵyn.
Redakııamyzǵa habarlasqan jergilikti turǵyndar jastarǵa soltústik óńirlerge baǵdarlamamen barýǵa keńes berdi deıdi. Biraq, Jańaózennen propıskadan shyǵyp ketseńiz, qaıtadan otyra almaısyń deıdi. Óıtkeni, qalaǵa halyq syımaýda eken. Bul qaıdan shyqqan zań ekenin.
Jańaózen jazyqty, shóleıtti óńir. Bul jerde sý tapshy. Sondyqtan basqa óńirlerge qaraǵanda kókónis, jemis-jıdek qymbat. Olqylyqtyń ornyn toltyrý maqsatynda mıllıondaǵan aqshaǵa jylyjaı da salynypty. Halyqty arzan kókónispen qamtamasyz etýge. "Sol jylyjaıdy aqmolalyq kásipker jekemenshikke satyp alypty dep estidik. Ol jylyjaı qııar egedi eken. Onyń ózin jazdygúni" dedi taǵy bir jergilikti turǵyn.
Jańaózendikterdiń aıtýynsha eshqandaı saıası talap qoıyp otyrǵan joq. Tek qana jumys surap otyr. Bala-shaǵamyzdyń qarny toq, kóılegi kók bolsa deıdi. Jastarda bitirgen mamandyǵymyzben jumysqa tursaq degen tilek.
Al, resmı bılik tarapynan resmı aqparat taratylmaǵandyqtan áleýmettik jeli betinen neshe túrli aqparat jeldeı esýde. Bizdiń aqparattyq ıdeologııamyzdyń qandaı jaǵdaıda ekenin Qaraǵandy oqıǵasy kórsetip bergen bolatyn. Ótkennen sabaq almaıtynymyz-aı.
P.S. Dál qazirgi sátte Jańaózen tynyshtaldy. Mańǵystaý oblysynyń ákimi Eraly Toǵjanov halyqqa máseleniń sheshiletinin, jaǵdaıdyń baqylaýda ekenin aıtty. Tórt jerden jumysqa qabyldaý bastaldy. "Ózenınvest" kásipornynan 350 adamǵa jańa jumys orny ashyldy. 49 azamat sol jerde jumysqa qabyldanypty. Jumys suraǵan halyqtyń aldy jumysqa jóneltilýde.
Ońǵar Qabden
"Adyrna" ulttyq portaly
