Mäjılıste «Samruk-Kazyna Construction» aksionerlık qoǧamynyŋ basqarma töraǧasy Mäulen Aimanbetovtyŋ qatysuymen AMANAT partiiasy fraksiiasynyŋ keŋeitılgen otyrysy öttı, dep habarlaidy «Adyrna» tılşısı.
Kün tärtıbınde auyl jastaryn jūmysqa tartu mäselesı talqylandy.
Jiyn barysynda deputat Amanjol Ältaev basqarma töraǧasyna «Tenderdı jeŋıp alǧan qūrylys kompaniialaryna sol auyldyŋ jastaryn jūmysqa tartu mäselesı qanşalyqty deŋgeide talap etıledı?» degen sūraq qoidy.
«Būl jerde aita ketetın bır kemşılık bar. Jergılıktıler bırınşı ailyǧyn alsa, ışıp ketıp, jūmysqa şyqpai qoiatyn aurulary bar. Ondaiy bolmasa, kompaniialar jūmysqa alady»,- dep jauap berdı Aimanbetov.
Mäulen Zarlyqūlynyŋ jauaby köpşılıktıŋ aşuyn tudyrdy. Zalda otyrǧandardyŋ bırı «Ondai artyq implementasiia qajet emes» dep eskertu jasasa, jelı qoldanuşylary «Jalqau dedı, köndık, masyl dedı, köndık. Bügın alqaş dep otyr. Erteŋ ne der eken?», «Mynau Parlamentte aitylatyn söz be?», «Bärı bırdei ışkış emes şyǧar, syltau ǧoi»,—dep pıkır qaldyrdy.
<
