Qostanai oblysynyŋ Saryköl audanyna qarasty Barvinov auylynda bapker Nūrlan Taijanov şäkırtterın Aziia chempionatyna aparu üşın qaiyr sūrap jür. Būl turaly Bassport.kz jariialady, dep habarlaidy “Adyrna” ūlttyq portaly.
Basylymnyŋ mälımetınşe, ol gır tasyn köteruden şäkırt tärbielep, 13 jyldan berı auyl sportyn köteruge tyrysyp jür. Soŋǧy 6 jylyn balalar men jasöspırımderdıŋ sport mektebıne arnaǧan. Bügınde Nūrlannyŋ qaramaǧynda 30 oquşy jattyǧady.
Aziia chempionaty mamyrdyŋ alǧaşqy aptasynda ötedı. Bapker balalardyŋ jol şyǧynyna aqşa tappai, qinalyp jür. Sebebı balalaryn jarysqa jıberetın jol qarajatyn ata-analardyŋ qaltasy kötermeidı.
Bapkerdıŋ aituynşa, bır balanyŋ baryp-qaituyna kemınde 250 myŋ teŋge qajet. Endı ol balalardy jarystan qaldyrmau üşın nesie aludy da oilap jür.
“Astanadaǧy Qazaqstan bırınşılıgınde 2 altyn, 2 kümıs, 1 qola medal jeŋıp aldyq. Nauryzdyŋ soŋynda taǧy 3 altyn, 1 kümıs medalǧa ie boldyq. Oquşylarym audan, oblys qūramalaryna ünemı ılıgıp jür. Sonymen qatar Qazaqstannyŋ jasöspırımder qūramasyna da şaqyrtu alady. Endı Aziia chempionatyna baru üşın jol qarajaty qajet”, – deidı Nūrlan Taijanov.Aituynşa, ol jyl saiyn şäkırtterın jarysqa aparu üşın aqşa ızdei beruden şarşaǧan. Būǧan deiın auyl halqy, mesenattar kömektesıp kelıptı. Eger osylai jalǧasa berse, balalardy jattyqtyruǧa degen ynta-jıger ketıp qalatynyn aitady. Barlyq resursyn jūmsap bolǧan Nūrlan Taijanov osy joly kreativtı video tüsırudı qolǧa alǧan.
Ūqsas jaŋalyqtar
