Oqu-aǧartu ministrlıgı respublikalyq ǧylymi-praktikalyq bılım mazmūnyn saraptau ortalyǧy jelıde taraǧan 6-synypqa arnalǧan «Jaratylystanu» oqulyǧyndaǧy vebsaitqa resmi tüsınık berdı, dep habarlaidy "Adyrna" ūlttyq portaly.
Äleumettık jelı qoldanuşysynyŋ aituynşa, oqulyqta berılgen veb-sait sıltemesı bılım resursyna emes, ülkenderge arnalǧan (+18) saitqa alyp barady.
«Atalǧan oqulyq memlekettık saraptamadan ötıp, 2017 jyly orys tılınde oqytatyn mektepterde qoldanuǧa rūqsat berılgen. Osy uaqytqa deiın oqulyq mazmūnyna qatysty şaǧym tüsken joq. §33 «Jasuşa älemıne ekskursiia» tapsyrmasynda oquşyǧa jasuşa organoidtarynyŋ funksiialaryn ornatu üşın anyqtamalyq derekter men internet-resurstardy paidalanu ūsynylady. Sait yqtimal resurstardyŋ bırı retınde körsetılgen biofile.ru saity oqulyq saraptamadan ötken kezde «Biofail» ǧylymi-aqparattyq jurnalynyŋ veb-saity bolatyn (saittyŋ skrinı bar)», - delıngen habarlamada.Ortalyqtyŋ aqparatynşa, oqulyqtaǧy veb-resurstar balalardyŋ aqparatty ızdeu jäne taldau daǧdylaryn damytu maqsatynda ūsynylǧan.
«Tekseru barysynda saittyŋ qazırgı uaqytta jūmys ıstemeitını anyqtaldy. Bıraq, brauzerden sait atauyn tergende, ızdeu tıkelei kümändı tanysu saittaryna qarai baǧyttaidy. Mūraǧat qyzmetı boiynşa taldau nätijesı «web.archive.org» saittyŋ 2011 jyldan berı bar ekenın körsettı, soŋǧy jyldary belsendılık kürt tömendegen. 2023 jyldyŋ 17 aqpany men 9 nauryzynda sait äkımşısı ūsynylmaǧan saittarǧa baǧyttaityn jaŋa URL resursty qosyp qoiǧan (ekran skrinı bar)», - deidı vedomstvodan.Sondai-aq, bılım aluşylardyŋ aqparattyq qauıpsızdıgın qamtamasyz etu maqsatynda ortalyq qūqyq qorǧau jäne basqa da memlekettık organdarǧa tiıstı sūrau salatynyn habarlady. Sonymen qatar, baspalarmen bırlesıp barlyq oqulyqtardaǧy veb-saittarǧa tekseru jürgızılıp, pedagogtar men ata-analarǧa tiıstı nūsqaulyq hat jasalady. Oqu-aǧartu ministrlıgı ıstıŋ män-jaiy tekserılıp, kınälılerdıŋ jauapqa tartylatynyn mälım ettı.
