Memleket basshysy Nursultan Nazarbaev "Nur Otan" partııasynyń múshelerine aldaǵy prezıdent saılaýy jaıly eske saldy, - dep habarlaıdy Tengrinews.kz tilshisi.
"Biz qol qýsyryp qarap otyrmaı, jumys isteýimiz kerek. Ár oblysta, ár qalada, ár aýdanda fılıaldar bar. Sizder partııa múshesi ekenderińizdi aıtyp, qol qýsyryp otyratyn bolsańyzdar, biz jaqsy partııa bola almaımyz. Alda parlamenttik saılaý, prezıdent saılaýy kele jatyr. Osydan ótý úshin biz halyqtyń senimin aqtaýymyz qajet", - dedi Nazarbaev partııalastaryna "Nur Otan" partııasynyń XVIII sezinde.
"Mindetter qoıyldy, az qamtylǵan jáne kópbalaly otbasylarǵa naqty qoldaý kórsetý sandary belgilendi. Járdemaqy, kommýnaldyq-sharýashylyq turǵyn úı aıasynda. Meniń oıymsha, osydan partııanyń bedeli artady", - deıdi Prezıdent.
Sondaı-aq, Nazarbaev "Nur Otannyń" Parlamentti qalyptastyratyn partııa ekenin atap ótti. Al Parlament úkimetti qurady. "Demek Parlamentpen jáne Úkimetpen birge biz qabyldaıtyn barlyq sheshim úshin jaýap beremiz. Halyqtyń arman maqsaty men yqylasyn sezdim, sol sebepti úkimetti aýystyrýǵa týra keldi. Jańa adamdar keldi. Tájirıbeli adamdar keldi dep oılaımyn, olar ekonomıkany alǵa jeteleıdi jáne atqarýshy bılik naqty ári jaýapty jumys isteıtinine úmittenemin", - dedi Prezıdent.
