Marapatqa ıe bolǵan 80-nen astam eldiń ókilderi arasynda Qazaqstannan Tótenshe jaǵdaılar birinshi vıe-mınıstri Ibragım Kúlshimbaev ta bar.
Ol zilzala saldaryn joıýǵa kómek kórsetkeni úshin medalimen nagradtaldy, dep habarlaıdy "Adyrna" ulttyq portaly.
Memlekettik nagradany Túrik Respýblıkasynyń Prezıdenti Rejep Taıyp Erdoǵan tabys etti.
Eske sala keteıik, Túrkııanyń úsh óńirinde izdestirý-qutqarý jumystaryn júrgizý bastalǵannan beri Qazaqstan TJM qutqarýshylarynyń kúshteri 7 adamdy qutqardy. Qaza tapqan 88 adamnyń, onyń ishinde 10 balanyń denesi shyǵaryldy.
Qazaqstandyq qutqarýshylar qolmen, sondaı-aq ınjenerlik tehnıkany, avarııalyq-qutqarý jabdyqtaryn, shan aspaptaryn tarta otyryp, 250 myń tekshe metrden astam úıindilerdi bólshektedi.
