Oqyrmandar Kaspi bank qosymşasyn qoldana otyryp, 18 basylymǧa tez jazyla alady. Būl turaly Aqparat jäne qoǧamdyq damu ministrı Darhan Qydyrälı aitty, dep habarlaidy «Adyrna» tılşısı.
«Bügınnen bastap oqyrmandardyŋ baspasözge jazylu prosesı jeŋıldeidı. Jyl basynda Kaspi bankke ärıptestık ūsynyspen şyǧyp, banktıŋ qosymşasy arqyly basylymǧa jazyludy jedeldetu jaiyn qozǧaǧan edık. Nätijesınde endı baspasözge Kaspi bank qosymşasyn qoldana otyryp, 18 basylymǧa tez jazyluǧa bolady. Olardyŋ qatarynda “Egemen Qazaqstan”, “Kazahstanskaia Pravda”, “Ana tılı”, “Aiqyn”, “Liter”, “Mysl, “Türkıstan” sekıldı gazet-jurnaldar bar. Mūndai qadamdar jazyluşylarǧa oŋtaily joldar ūsynyp, olardyŋ qataryn artyrady degen senımdemız»,—dedı ol.
