Qazaqstan ükımetınıŋ basşysy Älihan Smailov pen AQŞ Elşısı Deniel Rozenblium kezdestı. Olar Qazaqstan men AQŞ arasyndaǧy serıktestık jaiyn talqylady, dep habarlaidy "Adyrna" ūlttyq portaly.
Kezdesu barysynda premer-ministr Älihan Smailov Qazaqstannyŋ AQŞ-ty qos tarapty ǧana emes, köpbaǧytty salada serıktes sanaityndyǧyn atap öttı.
Sonymen qatar, Qazaqstan aumaǧynda bügını 900-den astam bırlesken käsıporyn jūmys ısteitındıgın habarlady. Qos el arasyndaǧy tauar ainalymy ötken jyly, şamamen, 40%-ǧa ösıp, 3,1 milliard dollarǧa jetkenın aitty. Al amerikalyq investisiialar aǧyny 2 esege artyp, 5,1 milliard dollardan asqanyn mälımdedı.
Smailovtyŋ habarlauynşa, Qazaqstan sauda kölemın ūlǧaitudyŋ mol mümkındıgın eskerıp otyr. Aldaǧy uaqytta 90 tauar tarmaǧy boiynşa sauda qarqynyn eselep, eksportty 800 mln. dollarǧa deiın arttyruǧa daiyn.
"Būrynǧydai bız keŋ auqymdy özara ıs-qimyldyŋ retın tauyp, Amerika qūrama ştattarymen özara tiımdı yntymaqtastyqty odan ärı tereŋdetuge jäne nyǧaituǧa daiynbyz", - dedı Älihan Smaiylov.Esterıŋızge sala keteiık, osydan ekı kün būryn Tegeran qalasynda Qazaqstan premer-ministrı Älihan Smaiylov İran İslam Respublikasynyŋ prezidentı İbrahim Raisimen kezdesken edı.
"Adyrna" ūlttyq portaly
Ūqsas jaŋalyqtar
