Kezdesu barysynda qysqa merzımdı josparlardaǧy – turizm jäne auyl şaruaşylyǧy, ūzaq merzımdı josparlardaǧy – balamaly energetika, TKŞ, bılım beru jäne "G4City" qūrylysy şeŋberınde auqymdy investisiialyq jobalar talqylandy.
Singapur men Qazaqstannyŋ, atap aitqanda Almaty oblysynyŋ yntymaqtastyǧynyŋ bolaşaǧy osyndai. Aita ketu kerek, ekı memleket arasyndaǧy ekıjaqty tauar ainalymy ötken jyldyŋ özınde 65%-ǧa artyp, 1,9 mlrd dollardy qūrady, - dep habarlaidy Qonaev-gorod Almaty oblysy äkımınıŋ baspasöz qyzmetıne sılteme jasap.
Qatysuşylar ünemı tyǧyz yntymaqtastyqqa daiyn ekendıkterın körsete bıldı. Būl bailanys ekıjaqty kelıssözder, saparlar, bılım beru jäne mädeni jobalardy jüzege asyru üşın köp kömegın tigızbek. Jaqynda Almaty oblysynyŋ äkımı Marat Sūltanǧaziev Singapurdyŋ sauda jäne industriia Ministrlıgınıŋ delegasiiasymen kezdestı.
Qūttyqtau sözınde delegasiia basşysy, sauda jäne industriia Ministrlıgınıŋ damuşy naryqtar departamentınıŋ direktory Deniz Pereira:
"Bır ai būryn Qazaqstan Prezidentı qabyldaǧan erekşe ekonomikalyq aimaq qūru turaly şeşım singapurlyq kompaniialardy jergılıktı naryqtarǧa şyǧuǧa yntalandyrady. Sonymen qatar, Ükımet azyq-tülık tauarlaryn balama jetkızuşılerdı ızdeuge müddelı", - dep öz oiyn jetkızdı.Jasyratyny joq, Singapur azyq-tülıktıŋ köp bölıgın öndırmeidı, bıraq ony syrttan äkeledı. Auyl şaruaşylyǧy önımderın eksporttauǧa Almaty oblysy da müddelı.
"Qazaqstannyŋ bes tūrǧynynyŋ törteuı auyldyq jerlerde tūrady. Sondyqtan ösımdık şaruaşylyǧy, mal şaruaşylyǧy damyǧan", - dedı Almaty oblysynyŋ äkımı Marat Sūltanǧaziev. "Bız qūs, ırı qara mal etın, kökönıster men jemısterdı, süt önımderın jetkıze alamyz. Alaida sauda tızbegın qūru üşın singapurlyq sertifikattau mamandary osy jerde jūmys ısteuı nemese Qazaqstanda qyzmetkerlerdı oqytuy qajet", - dedı delegasiia ökılderı.Almaty oblysynyŋ äkımı turizm salasynda özara ıs-qimyldy barynşa jedel jolǧa qoiuǧa bolatynyn atap öttı. Mūnda ekı memlekettıŋ de äleuetı zor. Jaqyn arada Almaty oblysynda tau turizmın damytuǧa, sondai-aq Qapşaşai su qoimasynyŋ ainalasyndaǧy kurorttyq aimaqty jailastyruǧa basa nazar audarylatyn bolady.
"Bızdı ekoturizmdı damytudyŋ bolaşaq josparlary qyzyqtyrady jäne bız üş-bes jylǧa arnalǧan ūzaq merzımdı tūjyrymdamamen tanysqymyz keledı. Qazırdıŋ özınde osy prosestı pilottyq jobalardan bastauǧa bolady. Al bolaşaqta demonstrasiialyq alaŋ bızdıŋ biznes üşın ülgı bola alar edı", - dep atap öttı"Singapore Cooperation Enterprise" ortalyq jäne Oŋtüstık-Şyǧys Aziiadaǧy Halyqaralyq ärıptestık jönındegı direktory Erik Li.Osyǧan bailanysty Singapur men Qazaqstan arasynda tıkelei reisterdı aşu turaly öte maŋyzdy mäselesı qozǧaldy. Alaida Deniz Pereira būl memlekettık organdardyŋ qūzyretı emes, būl turaly Kommersiialyq tasymaldauşy kompaniialar şeşım qabyldaitynyna nazar audardy. İnvestisiia tartuǧa müddelı tūrǧyn üi-kommunaldyq şaruaşylyq, jasyl energetika, bılım beru jäne ekologiia salalarynyŋ bar ekenın atap öttı. Sözsız, basty baǧyttardyŋ bırı – Singapurdyŋ zamanaui, joǧary tehnologiialyq, ekonomikalyq damyǧan megapolistı qūrudaǧy baǧa jetpes täjıribesı. Stokson kompaniiasynyŋ qūryltaişylary Qazaqstanda öndırıstık keşennıŋ aşyluy Qazaqstan ekonomikasyna oŋ äserın tigızedı dep esepteidı.
