1 mamyr künı qazaqstandyqtar halyqtar bırlıgı merekesın toilaidy, - dep habarlaidy "Adyrna" portaly.
Qazaqstan halqynyŋ bırlıgı merekesı – Qazaqstanda jyl saiyn 1 mamyrda toilanatyn memlekettık mereke. Mereke 1996 jyly toilana bastady. 1995 jyly 18 qazanda Qazaqstan Prezidentı Nūrsūltan Nazarbaev 1 mamyrdy Qazaqstan halqynyŋ bırlıgı künı dep jariialau turaly Jarlyqqa qol qoiyp, sol arqyly resmi türde būl kündı jūmys künderı tızımınen alyp tastady.
Qazaqstan – köpūltty memleket, onda 150-den astam ūlttar tūrady. Osy jyldar ışınde mereke barşa qazaqstandyqtardy bırıktıretın igı dästürge ainaldy. Onyŋ maqsaty – halyqtar dostyǧynyŋ, beibıtşılık pen yntymaqtyŋ, jüzdegen mädenietterdı bırıktırudıŋ maŋyzdy qūndylyqtaryn taǧy bır ret eske tüsıru.
Qazaqstan halqy Assambleiasynyŋ 32-sessiiasynda söilegen sözınde Memleket basşysy Qasym-Jomart Toqaev 1 mamyrdy kelısım, beibıtşılık jäne yntymaq ideialaryn qamtityn maŋyzdy mereke dep atady.
"Bızdıŋ qoǧam - ortaq mūrattar men qūndylyqtar bırıktırılgen erkın jäne sanaly azamattardyŋ odaǧy. Būl ūlttyq bolmysymyzdyŋ taǧy bır jarqyn körınısı. Sondyqtan bügınde bızdıŋ barlyq azamattarymyz özderın bır ülken jäne bırtūtas qazaq otbasynyŋ müşelerı retınde sezınedı, şyn mänınde Bız bärımız bır otbasymyz, būl jai sözder emes, bızdegı şyndyq. Bızdıŋ tölqūjatymyz adamǧa etnostyq tegıne, dıni közqarasyna, äleumettık jaǧdaiyna qaramastan Qazaqstan Respublikasynyŋ azamattyǧyna bailanysty qūqyqtar men mındetterdıŋ tolyq keşenın beredı. Bızdıŋ tölqūjatymyzǧa ie bolu ärqaşan jäne barlyq jerde öz memleketıŋızdıŋ qamqorlyǧynda bolu degen söz», - dedı Memleket basşysy.
"Adyrna" ūlttyq portaly
