Būl merekenıŋ el üşın maŋyzy zor. Qandai qiyn-qystau zamanda bolmasyn bız ışkı bırlıgımız ben yntymaǧymyzdy saqtai alǧan elmız. Dostyq pen özara tüsınıstıktı baǧalap, bır-bırın qūrmettep, elımızdegı barşa etnos ökılderı beibıtşılık pen aşyq aspan astynda tūryp jatyr.
Prezidentımız Qasym-Jomart Kemelūly Toqaev myrza Qazaqstan halqy Assambleiasynyŋ HHHII sessiiasyndaǧy sözınde:
«Bızdıŋ qoǧam – ortaq idealdar men qūndylyqtar bırıktırgen erkın ärı jauapkerşılıgı mol azamattardyŋ odaǧy. Būl – jalpyūlttyq bıregeilıgımızdıŋ taǧy bır jarqyn körınısı. Sondyqtan bügınde azamattarymyzdyŋ barlyǧy özderın ülken ärı bırtūtas qazaq otbasynyŋ, şyn mänınde, qazaq ūltynyŋ müşesı sezınedı» dep atap ötken bolatyn.
Bügınde halqymyz Ädılettı Qazaqstan qūru ideiasynyŋ töŋıregıne bırıgude. Būl prosess Memleket basşysy Qasym-Jomart Kemelūly Toqaev myrzanyŋ bastamasymen qolǧa alynǧan auqymdy reformalardy ıske asyruda körınıs tauyp otyr.
Örkeniettı, demokratiialy elderdegıdei Qazaqstan Respublikasynyŋ Konstitusiiasy etnikalyq şyǧu tegıne qaramastan, barlyq azamattardyŋ qūqyqtary men mümkındıkterınıŋ teŋdıgıne kepıldık beredı. Al, kök pasportymyz ben kök tuymyz barşamyzdy bırıktırıp, Qazaqstan atty ortaq Otanymyzdyŋ azamattary ekenımızdı qoǧamdyq sanaǧa sıŋdıre alǧan qasiettı simvoldarymyz.
Biyl Qazaqstan halqynyŋ bırlıgı künı 28-şı ret atalyp ötılude. Dästürlı merekeler, festivaldar, konsertter, sporttyq jarystar men mädeni ıs-şaralardy qosa alǧanda, merekeler elımızdıŋ barlyq öŋırlerınde ötıp, köpetnosty Qazaqstannyŋ bıregeilıgı men aluan türlılıgın körsetedı.
Mereke qūtty bolsyn Otandastar!
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz