7 jylǧa sottalǧan Gülmira Satybaldy jäbırlenuşı Tūrsynǧali Alagözovke 6,5 mlrd teŋge kölemınde materialdyq zalaldy öteidı. Baiqoŋyr audanynyŋ №2 sotynyŋ sudiasy Kemeŋger İmaşev Tūrsynǧali Alagözovtıŋ moraldyq jäne materialdyq şyǧyndy öteu turaly azamattyq talabyn ışınara qanaǧattandyrdy, dep habarlaidy “Adyrna” ūlttyq portaly.
Şeşımge säikes, sottalǧan Gülmira Satybaldy jäbırlenuşı Alagözovtıŋ paidasyna 6,5 mlrd teŋge kölemınde materialdyq zalaldy GALANZ bottlers AQ-nyŋ 43,25% jai aksiiasyn zattai qaitaru arqyly öteidı.
Moraldyq zalal kölemı 1 mln teŋge dep esepteldı.
Būǧan deiın Tūrsynǧali Alagözov azamattyq talap-aryz retınde sottan özıne tiesılı 43,25% aksiiany qaitarudy sūrady. Aituynşa, būl AQ jūmysyn jalǧastyru üşın qajet. Al moraldyq şyǧyn retınde 35% aksiiany öndırudı sūrady.
«Adam ūrlau jäne özınşe bilık etuge qatysty ıs ekı aiǧa juyq uaqyttan berı jalǧasyp jatyr. Al men körgen azap pen uaiym şamamen bes jylǧa sozyldy. Mūnyŋ bärınıŋ artynda Satybaldynyŋ zaŋsyz äreketterı tūr. Onyŋ barlyq äreketı būrynǧy küieuı Qairat Satybaldynyŋ basşylyǧymen jasaldy. Şyn mänınde eşqandai defolt bolǧan joq jäne onyŋ bärı qoldan jasaldy. Satybaldy kompaniiany defolt jaǧdaiynan şyǧarudyŋ sebebın oilap tauyp, özıne eşqandai qatysy joq kompaniiany «qūtqaratynyn» aitty. Osylaişa özın qazaqstandyq kompaniialarǧa kömektesetın qamqor äiel siiaqty körsetıp otyr. Alaida ol menen, iaǧni kompaniia qūryltaişysynan jäne ırı aksionerden kömek alǧyŋ kele me dep sūramady. Sol arqyly qazaqstandyq biznes qoǧamdastyq aldynda menıŋ bedelımdı tüsırdı», - dedı Tūrsynǧali Alagözov.Eske salaiyq, 2023 jyldyŋ 4 mamyrynda Gülmira Satybaldyǧa sot ükımı şyqty. Ol 7 jylǧa bas bostandyǧynan aiyryldy. Jazasyn qauıpsızdıgı ortaşa mekemede öteidı. Is boiynşa Madi Batyrşaev 7 jylǧa bas bostandyǧynan aiyryldy, Raşid Ötebekov 5 jylǧa sottaldy.
