Almaty qalasy, Túrksib aýdanynda moped júrgizýshisi jolaýshylary bar avtobýsqa oq atty. Oqıǵanyń vıdeosy áleýmettik jelilerde tarady. Belgili bolǵandaı, moped mingen azamatqa 219-avtobýstyń "jolyn kes-kestep ótkeni" jaqpaı qalǵan. Bul jaıly "Adyrna" ulttyq portaly habarlaıdy.
Vıdeo avtorynyń aıtýynsha, 219-avtobýsqa moped mingen er adam oq atyp, «meni kesip óttiń» dep aıǵaılaǵan.
Qalalyq polıııa departamenti avtobýsqa oq atý faktisin rastady. Zardap shekkender joq. Moped júrgizýshiniń kim ekeni anyqtaldy. Qalalyq polıııa departamentiniń resmı ókili Saltanat Ázirbek:
«Oqıǵa búgin tańǵy saǵat 10:00 shamasynda Almaty qalasy Túrksib aýdanynda bolǵan. Joldaǵy janjal saldarynan moped júrgizýshisi pnevmatıkalyq tapanshadan qoǵamdyq kóliktiń áınegine atyp, oqıǵa ornynan boı tasalaǵan. Zardap shekkender joq.
Mopedıstiń jeke basy anyqtaldy. Ony qamaýǵa alý sharalary júrgizilýde. Atalǵan derek boıynsha tergeý amaldary Túrksib aýdandyq polıııa basqarmasyna qarasty polıııa bóliminde júrgizilýde», – dep habarlady.
"Adyrna" ulttyq portaly
