Elordada «AMANAT» partiiasynyŋ «Jastar Ruhy» jastar qanaty ūiymdastyrǧan «Qaisar» äskeri-patriottyq oiyndary öz märesıne jettı.
Irıkteu kezeŋınde elımızdegı 3000-nan astam jas azamattyŋ arasynan suyrylyp şyǧyp, aqtyq saiysqa joldama alǧan 120 qatysuşy ekı kün boiy tartysty dodada baq synady. Olar qaşyqtyqqa jügırıp, arnaiy äskeri jattyqtyruşylar daiyndaǧan kedergılermen jürıp öttı. Sonymen qatar, saptyq daiyndyq deŋgeilerın körsetıp, «Menıŋ elım – Qazaqstan» atty äskeri-tanymdyq viktorinada bılımın şyŋdady.
Saiys qorytyndysy boiynşa, Türkıstan oblysynyŋ komandasy jüldelı bırınşı oryndy ielense, ekınşı oryndy Qaraǧandy oblysynyŋ oquşylary qanjyǧasyna bailady. Al üşınşı orynǧa Almaty qalasynyŋ komandasy laiyq dep tanyldy. Jeŋımpazdarǧa baǧaly syi-siiapattar tabystaldy.
Jeŋımpazdardy marapattau räsımınde partiia Hatşysy Däulet Kärıbek «Qaisar»-dyŋ basty maqsaty jastardyŋ boiynda patriottyq ruhty oiatyp, olardyŋ äskeri qyzmetke degen qyzyǧuşylyǧyn arttyru ekenın atap öttı.
«Sızdermen «Qaisar» äskeri-patriottyq oiyndarynyŋ aqtyq kezeŋınde jüzdeskenıme öte quanyştymyn. Ūlan-ǧaiyr jerımızdı ata-babamyz bızge amanat etıp qaldyrdy. Ony qorǧau, keler ūrpaqqa qaz-qalpynda ūsynu – bärımızdıŋ qasiettı boryşymyz. El de, jer de bızdıkı. Osy bailyǧymyzdy syrttan bıreu kelıp qorǧap bermeidı. Otanymyzdy osy tūrǧan sızder men bızder qorǧaimyz. Halqymyzda «Jer elge amanat, el erge amanat» degen ūlaǧatty söz bar. Amanatqa adal bolaiyq. Ärqaşan bılımdı, namysty, jürektı bolyŋdar», – dedı Däulet Kärıbek.Türkıstan oblysynan kelgen komandanyŋ müşesı Stas Grachev jeŋıs oŋailyqpen kelmegenın, alaida osy uaqyt aralyǧynda balalar jaŋa dos tapqanyn aitty.
«Köŋıl-küiımız köterıŋkı, jüregımız tolqyp tūr. Saiys asa qyzyqty öttı. Bız bırınşı oryndy ielendık. Būl jeŋıstı bız öz oblysymyzǧa arnaimyz. Sebebı bız mūnda öŋırımızdıŋ namysyn qorǧauǧa keldık», – dedı ol.Eske sala keteiık, partiianyŋ jastar qanaty atalǧan jobany ıske qosatynyn byltyr «AMANAT»-tyŋ kezekten tys XXII sezınde mälımdegen bolatyn.
