Ūlttyq aqparat keŋıstıgınde Pavlodar qalasy mäslihatynyŋ deputaty Güljaina Därımovanyŋ "eskı" video-ündeuıne qatysty aqparat tarady. Videodaǧy taqyryp auany, äŋgıme jelısı qazaqstandyqtardyŋ qytyǧyna tiıp, köpşılıktı bei-jai qaldyrmady. Keiınnen deputat özınıŋ videosy jaily tüsındırıp, qyzmettık tūlǧasy jaily aityp berdı, dep habarlaidy "Adyrna" ūlttyq portaly.
Pavlodar qalalyq mäslihatynyŋ deputaty Güljaida Därımovaǧa qatysty videony bloger Jan Ahmadiev bölıstı. Videodaǧy äŋgıme jelısınde qoǧam bersendısı özıne qarata "ne bolsa sony jazǧan" qyz-kelınşekterge eskertu jasap, "Küieuın, balasyn ne äkesın ertıp äketuı mümkın" ekendıgın aitady. Olardy saq boluǧa şaqyrady.Video 2022 jyldyŋ 10 jeltoqsanynda jariialanǧan. Qoǧam belsendısı Güljaina Därımova 2023 jyldyŋ 25 nauryzy künı qalalyq mäslihatqa deputat bolyp sailandy. Ekı oqiǧanyŋ arasy - 4 ai. Jelıde jeldei esken video aqparat arnalary arqyly tūtas qazaqstandyqtardyŋ "qūlaǧyna şalynyp", qoǧamdyq pıkır tudyrdy. Degenmen deputattyŋ özı arnaiy mälımdeme jasap, kezınde äzıl retınde tüsırgen videosyna qatysty eş alaŋdamaitynyn jetkızdı. Mälımdemesınıŋ mänıne zer salsaq, deputattyŋ qaŋqu sözge emes, jerlesterıne arqa süieitındıgı aŋdalady.Posmotret etu publikasiiu v Instagram
Jaŋsaq pıkır qalyptasqanyn qalamaityn deputat...
Güljaina Därımova özıne qatysty közqarastyŋ jalǧan dauryǧuǧa emes, atqarǧan qyzmetıne qarai qalyptasqanyn qalaidy."Bezek qaqqan telefonǧa maza joq. Barlyǧy menıŋ mūndai video salǧanyma taŋyrqap jatyr. Bıraq sızder būl videony bır jyl būryn jariialaǧanymdy jaqsy bılesızder emes pe? Ol kezde deputat emes edım. Äzıl retınde reels (Instagram formaty) tüsıre salǧanmyn. Menı ar-ūiattan bezgen äiel retınde körsetkısı keletınderge qairaŋmyn. Bıraq menıŋ qandai ekenımdı sızder jaqsy bılesızder ǧoi. Men tıptı eşbır partiianyŋ müşesı de emespın. Būl qaǧytpa videony ertede salǧanmyn. Qandai bolmasyn, jarnamanyŋ aty - jarnama. Menıŋ mūny şybyn şaqqan qūrly elemeitınımdı bılesızder. Eger maǧan ekı qoiyŋ bır som bolsa, sızderge sol külkılı bolsyn", - deidı Därımova.
Qala deputatyna qatysty internetten aqpar süzsek, onyŋ jerlesterıne janaşyrlyq körsetkenıne, medisina sapasy men qala tūrmys-tırşılıgınıŋ jaqsaruyna alaŋdaitynyna qatysty derekter qarsy aldymyzdan şyǧady. Qaterlı ısıktıŋ törtınşı deŋgeiıne şaldyǧyp, bıraq tuǧandarynyŋ üi alǧanyn estıp baryp köz jūmǧan jerlesıne jylu jinap, onyŋ otbasyn üimen qamtamasyz etkendıgı jaily özı bylai deidı.
“Köŋılı jai tauyp kettı. Bız ülgerdık. Janyŋ tynyş bolsyn, Nastia”.
Eske sala keteiık, deputat būdan būryn qoǧam belsendısı retınde nauqas äieldıŋ anasy men balalary üşın päterge qarajat jinaudy ūiymdastyrǧan. Sonymen qatar, jaqynda obyr aurularyn emdeude qarajatty syrtqa şaşpai, Otandyq medisinany damytuǧa köŋıl bölınu qajet ekendıgı jaily bastama kötergen.
Därımova ısı: Qazaqstandyqtarǧa ündeu
Mäslihat deputaty äleumettık jelı paraqşasynda jasöspırımder arasyndaǧy buling, memlekettık satyp alu, adam qūqyqtarynyŋ öreskel būzyluy, balalarǧa arnalǧan alaŋdardy, baqtardy abattandyru, densaulyq salasynyŋ mäselelerı, tamyryn keŋge jaiǧan qarjy piramidasymen küresu syndy taqyryptardy köterıp, jergılıktı halyqpen tyǧyz bailanys ornatqan.
Tuǧan qalasynyŋ körkeiıp, äleuetınıŋ artuy üşın küresıp jürgen Güljaina Därımova qazaqstandyqtardyŋ jelbuaz jaŋalyqtyŋ jetegınde ketıp, qate tüsınıp qalmaǧanyn qalaidy.
Posmotret etu publikasiiu v Instagram
"Qazaqstan azamattaryna, basşylyq qyzmettegını talap jeuge asyq barlyq jurnalisterge qarata ündeu joldaǧym keledı. Kerekulıkter menıŋ jaiymdy jaqsy bıledı. Sabyrǧa keleiık. Atyşuly videony menı qaralamaq bolǧandarǧa qaljyŋ retınde būryndary tüsıre salǧan edım. Menıŋ paraqşama köz jügırtseŋızder, men jaily bärı aiqyndalady. Men Kerekudegı eŋ belsendı, qoǧammen bırge jasap kele jatqan deputatpyn. Eger menı sailaǧan halyq menen qaita bas tartsa, ornymdy bosatuǧa daiynmyn. Sızderge emes, menıŋ dauys beruşılerımnıŋ erkıne qaldyrdym. Barlyǧyŋyzǧa degen mahabbatym şeksız", - dedı deputat.
Oraiy kelgende aita keteiık, ūlttyq aqparat keŋıstıgınde taraǧan videoǧa qatysty Kereku qalasy mäslihatynyŋ töraǧasy Qoblanbek Qojin bylai dep pıkır bıldırdı.
- Men de atalmyş videony kördım. Ony Därımova sailauǧa deiın taspalaǧan. Keiıngı qyzmetınde abaq-cabaq video jariialaǧanyn körgen emespın. Onyŋ aityp otyrǧan sözınıŋ jany bar. Mınezdı qyz bolsa da, öz qyzmetın adal atqaryp jür. Qoǧamdyq ömırde belsendı" - dedı Qoblanbek Qojin.Mūnymen qosa alǧanda, mäslihat töraǧasy "Därımova" ısıne qatysty qandai qadamdarǧa baratynyn baiandady.
"Eger qoǧam qoiar da qoimai qajettı şaranyŋ qolǧa alynǧanyn talap etse, bızdıŋ tek eskertu jasauǧa ǧana qūqymyz bar. Al kınäsı tolyq däleldengen jaǧdaida ol keşırım sūrauy tiıs. Mūnyŋ bärı jalpy jiynda qaralyp, talqylanatyn bolady", - dedı mäslihat töraǧasy.Būdan baiqaitynymyz, mäslihat töraǧasy da, deputattyŋ özı de, dauly oqiǧaǧanyŋ "nüktesın" qoiudy sailauşylarǧa tapsyrady.
Güljaida Därımova, özı habarlaǧandai, eşqandai da partiianyŋ qūramynda joq. Ol Kereku qalasy, 8-okrugten sailanǧan. Özınıŋ aituynşa, basty maqsaty - äleumettık qyzmetkerlerdıŋ müddesın qorǧau, resmi qoǧam belsendısı atanyp, qala ömırın jaqsartuǧa aralasu.
"Adyrna" ūlttyq portaly
Ūqsas jaŋalyqtar
deputat
Jan Ahmadiev
qazaqstandyqtar
qoǧam belsendısı
Pavlodar qalasy
kereku
qalalyq mäslihat
Güljaida Därımova
