Almatyda KSRO tuyn ūstap, "jeŋıs künın toilatqandardyŋ" videosy tarady. Video käsıpker Yqylas Tūrsynbektıŋ Tik tok paraqşasynda jariialandy, dep jazady "Adyrna" tılşısı.
Video avtorynyŋ aituynşa, "Almaty" teatrynyŋ maŋyna tüsırılımge kelgen bır top operatorlar "ūnamsyz" jaitty baiqaǧan. KSRO tuyn ūstap jürgen orys azamattaryn baiqap, olardan ne ıstep jatqandaryn sūrady. Synǧa alǧan jıgıtke olar avtoklubpen Jeŋıs künıne orai fotosessiia jasauǧa kelgenderın aitty.
Sonymen qosa:
"Bızdı tüsıruge qūqyǧyŋyz joq. Bız mūnda fotosessiia jasauǧa keldık" dep jauap berdı oǧan äiel."Būl naǧyz täuelsızdıgımızdı moiyndamau" dep pıkır bıldırıp, KSRO tuymen qosa Qazaqstan tuyn qatar alyp jürudı talap etken azamatqa olar:
"Bız mındettı emespız. Ne ısteitınımızdı özımız bılemız. Mıne senderdıŋ tularyŋ, Täuelsızdık künınde ūstap tüskenbız" dedı.Oqiǧa FB jelısınde de ülken talqyǧa tüsude. Jelı qoldanuşylary "senderdıŋ tularyŋ" degenderıne narazylyǧyn bıldırıp, "memlekettık jäne ūlttyq ideologiia joq" dep pıkır bıldırude. "Adyrna" redaksiiasy atalǧan jaitqa qatysty zaŋgerdıŋ pıkırıne jügındı. Maman QR Qylmystyq Kodeksınıŋ 180-babyna säikes separatistık äreket dep memlekettıŋ bırtūtastyǧy men tūtastyǧyn, onyŋ aumaǧyna qol sūǧylmauyn jäne bölınbeuın būzudy ne memlekettı ydyratudy nasihattau nemese oǧan jariia türde şaqyru, sol siiaqty osyndai mazmūndaǧy materialdardy taratu maqsatynda daiyndau, saqtau nemese taratu ısterı tanylatynyn mälımdedı.
Ūqsas jaŋalyqtar
"Būl anyqtamadan qylmysty ärekettıŋ tıkelei qasaqana türde ıske asatyndyǧyn körıp otyrmyz. Alaida beinejazbada KSRO tuyn ūstaǧan slavian ūltynyŋ ökılderı, özderınıŋ äreketın Jeŋıs künıne arnalǧan mädeni şara retınde tüsındırıp baǧuda. Separatistık piǧylyn aşyq türde jariiaap, oǧan qasaqana baryp otyrmaǧandyqtan qylmystyŋ qūramy bar dep aita almaimyz" dedı zaŋger Qazybek Dautaliev.Qazybek myrzanyŋ aituynşa, zaŋ qylmystyŋ separatistık piǧyldyŋ qasaqa jasalǧan tūrın ǧana jazalaidy. Osy uaqytqa deiın atalǧan kodeks boiynşa elımızde ekı adam jazaǧa tartylǧan. Onyŋ bırı esterıŋızde bolsa İgor Sychev degen azamat özı tūryp jatqan Şyǧys Qazaqstan oblysynyŋ Reseige qosyluyna qatysty VKontakte äleumettık jelısınde saualnama jürgızgen bolatyn. 2015 jyly «Qazaqstan Respublikasynyŋ aumaqtyq tūtastyǧyn būzuǧa nasihattaǧany» üşın 5 jylǧa bas bostandyǧynan aiyru jazasyna kesıldı.
"Qoldanystaǧy zaŋnama boiynşa bıreudı foto, beinekameraǧa tüsıruge, eger ol jariia qatynastan tuyndamasa, rūqsat etılmeidı. Alaida, zaŋ būzuşylyq faktısı oryn alyp jatsa, ony rūqsat sūramastan ärkımnıŋ tüsıruıne qūqyǧy bar. Naqtyly jaǧdaida zaŋ būzuşylyq emes ekendıgı belgılı bolǧan sätten bastap, tüsırgen beinejazbasyn alyp tastasa nemese ol turaly terıstep aqparat berse qūqyq būzuşylyq bolyp tabylmaidy dep oilaimyn" dep jauap berdı ol.
"Adyrna" ūlttyq portaly