Jazýshy-pýblııst Marat Baıdildáuly qyzyl tý jelbiretkenderge narazylyǵyn jazdy, dep habarlaıdy "Adyrna". Bul týraly óziniń Facebook paraqshasynda bólisti.
Mınıstrlik nazaryna dep, Jeńis kúnine sherý uıymdastyrǵandardyń qyzyl jalaý jelbiretkenderine narazylyǵyn bildirdi ol. Aıtýynsha, astyrtyn óge ıdeologııany kózdeýshilerge shara qoldaýn qajet deıdi:
"Almaty - Qapshaǵaı trassasynda joıylǵan Sovet ókimetiniń Qyzyl jalaýyn jelbiretken avtomobılder legi taırańdap ótti. Arasynda biren-saran Qazaqstan jalaýyn qoıyp alǵan. Reseıdiń Qazaqstandy ózine qosyp alý saıasatyn qoldaǵan rashıster táýelsiz Qazaqstan halqyn nege basynady? Mundaı bassyzdyqtar qashan toqtaıdy?
Osy oqıǵaǵa baılanysty ony uıymdastyrǵan, qatysqan júgensizderge qatań shara qoldaný qajet dep esepteımiz!" dep jazdy ol.
Pikir bildirýshi jurt, "taırańdatpaý kerek", "óte durys, sazaıyn berý kerek", "ne sumdyq" degen jazbalaryn qaldyrýda.
Buǵan deıin "Adyrna" redakııasy elimizde qyzyl tý jelbiretkenderdiń isine qatysty zańger mamannan pikir alǵan bolatyn.
"Adyrna" ulttyq portaly
