Bügın tünde belgılı jurnalist Viktor Sutiaginnıŋ kölıgı jarylyp, tügı qalmai örtenıp kettı, dep habarlaidy “Adyrna” tılşısı Ulysmedia.kz -ke sılteme jasap.
Viktor Sutiaginnıŋ aituynşa, keşke ol kölıktı üidıŋ janynda qaldyrǧan. Jarylystardan körşıler öre türegelgen, bıraq oqiǧa ornyna kelgen ört söndıruşıler de kölıktı qūtqara almady.
Polisiia mülıktı qasaqana joiu faktısın tırkedı.
Aita keteiık, Sutiagin memlekettık BAQ-tyŋ menşıktı tılşısı bolyp jūmys ısteidı jäne qoǧamdyq qyzmetpen ainalysady, ötken jyldan bastap Atyrau oblysynyŋ qoǧamdyq keŋesınde qyzmet etedı.
Eske salsaq, 10 jäne 13 qaŋtar künderı belgısız bıreuler Elmedia.kz saity redaksiiasy keŋsesınıŋ terezelerın syndyryp ketken bolatyn. Būl alty aidaǧy redasiiaǧa jasalǧan altynşy şabuyl retınde tırkeldı.
Redaksiia jetekşısı Güljan Erǧalieva Işkı ıster ministrınen jaǧdaidy baqylauǧa aludy talap ettı. Prezident Toqaev oqiǧaǧa jauap berıp, şabuyldardy mūqiiat tekserudı tapsyrdy.
13 qaŋtarda belgısız bıreuler belgılı bloger Dinara Egeubaevanyŋ kölıgın örtep jıbergen. Jyl basynda ol «Altynşy Qaŋtar» blogyn qūru turaly habarlap, bır mandatty okrugter boiynşa Mäjılıstıŋ merzımınen būryn sailauyna qatysuǧa daiyn ekenın jetkızgen.
Almaty polisiiasy ört qoidy degen küdıkpen kämeletke tolmaǧan bes jasöspırımdı ūstady. Olar, sondai-aq El Media-ǧa şabuyl jasady degen küdıkke ılındı. Tärtıp saqşylary jetkınşekterdıŋ internet arqyly «tapsyrys» alǧanyn habarlady.
Ötken jyldyŋ qazan aiynda Orda.kz aqparattyq portalynyŋ redaksiiasyna
bas redaktor Gülnär Bäjkenovanyŋ suretı men şoşqanyŋ basy salynǧan paket barǧan. Onda ädeiı jyrtylǧan foto januardyŋ auzyna salynǧan. Bajkenovanyŋ özı būǧan Nazarbaevtar otbasy men tūŋǧyş prezident turaly jariialanymdary sebep bolǧanyn mälımdedı.
18 qaŋtarda şabuyldauşylar Ulysmedia.kz saityn būzyp, bas redaktor Samal İbraeva men onyŋ otbasynyŋ jeke derekterın jariialady. Sait basşysy polisiiaǧa aryz jazyp, qylmystyq ıs qozǧaldy.
19 qaŋtarda jurnalist jäne Hyperborey YouTube arnasynyŋ avtory Vadim Boreiko päterınıŋ esıgın äldebıreuler qūrylys köbıgımen jauyp tastaǧany jaiynda habar tarady. Jurnalistıŋ aituynşa, olar esıktı jauyp, keiın ony örtep jıbermek bolǧan.
Sondai-aq, juyrda ǧana Ulysmedia.kz keŋsesıne bıreuler mal etı men bas redaktordyŋ balalarynyŋ suretı salynǧan qorap jıbergen. Samal İbraeva būl ärekettı redaksiiany qorqytu dep baǧalaidy. Qūqyq qorǧau organdary qylmystyq ıs qozǧady. Sotqa deiıngı tergeu amaldary jürgızılıp jatyr.
20 aqpanǧa qaraǧan tünı äldekım jurnalist Vadim Boreiknonyŋ operatorynyŋ ekı kölıgın örtep ketken.
Sonymen qatar, 22 aqpanda jurnalist Daniiar Moldabekov özıne şabuyl jasalǧanyn mälımdedı.
28 qaŋtarda jurnalisterge jasalǧan şabuyldardyŋ üilestıruşısı ūstalǧany habarlandy.
4 nauryzda IIM şabuyldardyŋ basty ūiymdastyruşysyn atady.
Ministr Ahmetjanovtyŋ deregınşe, BAQ ökılderıne şabuyl jasau derekterı boiynşa barlyǧy 30-dan astam ıs qozǧalyp, 22 adamnyŋ küdıktı dep tanylǧan. Būdan būryn jetı adam qamauda otyrǧany habarlanǧan.
