Abai oblysyndaǧy jaǧdai tūraqtalǧanymen, jel tūryp, būǧan deiın söndırılgen oşaqtar qaitadan küşeiıp, jana bastaǧan. Būl turaly jurnalist Oŋǧar Alpysbaiūly “Adyrna” ūlttyq portalyna aityp berdı.
Keşegıden jaǧdai tūraqty. 8 oşaqty ört söndıru jūmystary jürgızılıp jatyr. Tık ūşaqpen joǧarydan qaraǧan kezde örtenıp jatqan jerler qorqynyşty. Bügın bız ört bolyp jatyrǧan bırneşe jerge baryp kördık.
Tötenşe jaǧdailar qyzmetkerlerıne eŋ qiyny - qalyŋ örtten qatty jalyn men ystyq soǧyp tūrady. Ol jerde jai jürudıŋ, demaludyŋ özı qiyn. Qyzmetkerler sondai jaǧdaida jūmys ıstep jatyr. Eger qatty tūnşyǧyp bara jatyrsa özderınıŋ täsılderı bar eken. Betterıne suly oramal nemese sulanǧan kez kelgen şüberek basyp, eŋkeiıp, jerge jaqyndap tynystap, aua jūtyp alady. Bıraq ūzaq demalyp otyratyn uaqyttary da joq. Tamaqtaryn sol jaqqa alyp kelıp jatyr, - dep qyzmetkerlerdıŋ jaǧdaiyn aitty.
Aituynşa, tūrǧyndardyŋ barlyǧy jūmyla küş saluda. Oqiǧa bolǧan jerge kömek qolyn sozamyn degender aǧylyp jatyr eken.
Eŋ quantarlyǧy - bızdıŋ halqymyzdyŋ ūiymşyldyǧy. Sebebı, mynda tamaqtandyru punkterı ornalasqan. Ol jerge osy maŋaida ornalasqan auyldardyŋ äiel erıktılerı kelıp, künıne 10 şaqty qazan tamaq pısıredı. Sol jaqta jürgen qyzmetkerlerge tamaqtardy kölıktermen jıberıp jatyr. Odan bölek, bırneşe kölıkke tielgen azyq-tülık, su, özge de qajettı zattardyŋ barlyǧy lek-legımen kelıp jatyr.
Däl qazırgı uaqytta 1500-ge juyq adam, 300-ge juyq tehnika, 11 tıkūşaq ört söndıru jūmystarymen ainalysuda. Bügın taŋerteŋ de Jetısu, Almaty oblystarynan qosymşa küş kelgen. Aqparat boiynşa, 1000 adam degen, - dedı jurnalist.
Oŋǧar Alpysbaiūly oqiǧa ornynda qaza tapqandardyŋ otbasymen de söileskenın aitty.
Eŋ qorqynyştysy - būl jerden 14 adamnyŋ mäitı tabyldy. Orman şaruaşylyǧynyŋ qyzmetkerlerınıŋ barlyǧy örtenıp ketken. Jaŋa sol kısılerdıŋ tuystarymen söilestık.
Ormannyŋ ışınen 2 adam şyqqan eken. Ekı adam dep estıdık, bıraq ekınşısın naqtylai almadyq. Al bıreuınıŋ äkesımen söilestık. Onyŋ özı älı de sol ört söndıru jūmystaryna qatysyp jür eken. Onyŋ aituy boiynşa, ol jıgıtke örtke jaqyndauǧa rūqsat bermegen. Közıne jas alyp tūryp, aityp berdı.
“Qaşyp şyqqan adamnyŋ äkesı bızdıŋ tanystarymyz edı, jaqsy aralasqan adamdarymyz edı. Tüngı saǧat 10-kezınde şamamen bailanysqa şyqty rasiiamen: “Bızdı tastamaŋyzdar! Bız älı de osyndamyz. Bızdı ört qorşap aldy”, dep bailanysqa şyǧyp, soŋǧy sözderı sol boldy”, -deidı.
Odan keiın olarǧa baryp jetu, qūtqaryp alu mümkın bolmaǧan. Ökınışke qarai, olardyŋ mäiıtterı, tehnikasy de keşe tabyldy. Tuystary qan jūtyp, qaiǧyryp otyr. Jaǧdai şamamen osyndai, - dedı jurnalist.
Sondai-aq, oblystyq öŋırde jel küşeiıp ketken. Būǧan deiın söndırılgen oşaqtar qaitadan köterılıp, qaitadan jana bastady.
Jel küşeigen jerlerdıŋ bırneşeuın baryp kördık. Mynau jel saǧat saiyn baǧytyn auystyryp, ört türlı baǧytta taralyp jatyr. Onyŋ barlyǧyn tık ūşaqpen joǧarydan barlap, qai baǧytta däl qazır janyp jatyrǧanyn, qai jerde qatty janyp jatyrǧanyn jäne qai jerge qanşa küş jıberu kerek ekenın anyqtap otyr. Äzırge osy”,-dep oqiǧa bolǧan jerden Oŋǧar Alpysbaiūly habar berdı.
