Qasym-Jomart Toqaev Leaders Talk baǵdarlamasyna bergen suqbatynda Qazaqstan men Qytaı arasyndaǵy qatynastar máselesine toqtaldy, dep habarlaıdy «Adyrna» tilshisi.
«Qytaı bizdiń syrtqy saıasatymyzda asa mańyzdy ról atqarady. 2019 jyly qyrkúıek aıynda men Qytaıǵa memlekettik saparmen bardym. Biz QHR Tóraǵasy Sı zınpınmen nátıjeli kelissóz júrgizdik. Halyqtarymyzdyń yntymaqtastyǵyn nyǵaıtý úshin eki jaqqa da tıimdi saıasat júrgizý jóninde ýaǵdalastyq. Demek, biz eki el arasyndaǵy strategııalyq seriktestikti, máńgi dostyqty nyǵaıta túsýimiz kerek. Bul qazaq halqynyń múddesine, naqtyraq aıtqanda, uzaqmerzimdi múddesine tolyq saı keledi. Men osyndaı saıasatty berik ustanýǵa nıettimin. Jaqyn kórshimiz – Qytaımen aradaǵy strategııalyq seriktestiktiń mańyzdy ekeni sózsiz»,—dedi Prezıdent.
Memleket basshysy áńgimelsý barysynda ekijaqty ekonomıkalyq qatynastardy damytý kerektigin atap ótti.
«Ekonomıkalyq yntymaqtastyq salasynda keremet nátıjelerge qol jetkizdik. Biraq biz alǵa qaraı jyljýymyz kerek. Sondyqtan men Qytaı órkenıetiniń besigi sanalatyn Sıan qalasyna jasaıtyn aldaǵy saparymnan úmitim mol. Bizge jańa kelisimder, jańa mámileler qajet. Sebebi biz bir orynda qalyp, nátıje kútip otyrmaýymyz kerek. Osynaý kúrdeli álemde ekonomıkalyq baılanystarymyzdy nyǵaıtýǵa kúsh salýǵa tıispiz. Men eki el jastarynyń yntymaqtastyǵy men dostyq qarym-qatynasyn damytýǵa nıettimin. Jas býyn birin-biri jaqsy bilýi qajet»,—dedi ol.
