Kaspıı teńiziniń jaǵalaýynda taǵy birneshe ondaǵan ıtbalyq pen balyqtyń óleksesi tabyldy. Ekologııa mınıstrligi ólgen balyqtar men ıtbalyqtardy 12 mamyr kúni keshke Balyq ınspekııasy basqarmasynyń qyzmetkerleri tapqanyn málimdedi, dep habarlaıdy “Adyrna” ulttyq portaly.
Quramynda Jaıyq-Kaspıı óńiraralyq basseındik balyq sharýashylyǵy ınspekııasynyń, Mańǵystaý oblysy boıynsha ekologııa departamentiniń, Gıdrobıologııa jáne ekologııa ınstıtýtynyń, Mıkrobıologııa jáne vırýsologııa ǵylymı-óndiristik ortalyǵynyń, «Qazgıdromet» RMK-nyń, sondaı-aq jergilikti atqarýshy organdardyń ókilderi bar jumys toby quryldy.
Mańǵystaý oblysy boıynsha ekologııa departamenti men Qazgıdromet qyzmetkerleri ólekseler tabylǵan jerden sý men aýa synamalaryn aldy.
Tabylǵan teńiz janýarlarynyń, sondaı-aq bekire tuqymdas balyqtardyń ólekseleriniń kópshiligi qatty ydyraý jáne ydyraý satysynda bolǵandyqtan, synama alý múmkin bolmady.
Bul rette synama alýǵa bolatyn jalǵyz úlgilerden ǵylymı-óndiristik ortalyqtyń qyzmetkerleri ishki aǵzalardyń tinderin ishinara irikteý júrgizedi.
Atalǵan fakti Túpqaraǵan aýdandyq ishki ister basqarmasynyń tótenshe jaǵdaılar departamentinde tirkeldi. Sotqa deıingi tergep-tekserý aıasynda janýarlardyń ólý sebepteri men basqa da jaǵdaılary anyqtalatyn bolady.
Eske salaıyq, bul Kaspıı teńiziniń jaǵalaýynda ıtbalyq ólekseleriniń birinshi tabylýy emes.
