Almaty qalasynda atmosferalyq auanyŋ sapasyn jaqsartuǧa baǧyttalǧan jüielı ärı keşendı jūmystar kezeŋ-kezeŋımen jüzege asyrylyp keledı. Qalalyq ekologiiany jaqsartu mäselesı jergılıktı atqaruşy organdardyŋ basty basymdyqtarynyŋ bırı bolyp otyr. Mamandardyŋ mälımetınşe, qazırgı taŋda qala aumaǧyndaǧy ziiandy şyǧaryndylardyŋ şamamen 60 paiyzy avtokölık qūraldarynan bölınedı. Osyǧan bailanysty negızgı nazar kölık sektoryndaǧy ekologiialyq jaǧdaidy retteuge jäne baqylaudy küşeituge audarylyp otyr. Būl turaly Almaty qalasynyŋ Ekologiia jäne qorşaǧan orta basqarmasynyŋ ökılderı resmi türde mälımdedı.
Atmosferalyq auany qorǧau jönındegı bekıtılgen ıs-şaralar jospary aiasynda ekologiialyq qyzmet mamandary Almaty qalalyq polisiia departamentımen bırlesıp tūraqty türde reidtık ıs-şaralar ūiymdastyruda. Reid barysynda «Eco Almaty» jauapkerşılıgı şekteulı serıktestıgınıŋ jyljymaly ekologiialyq zerthanalary paidalanylyp, avtokölık qūraldarynyŋ ziiandy şyǧaryndylary tıkelei oqiǧa ornynda ölşenedı. Būl täsıl ekologiialyq talaptardy būzu faktılerın jedel anyqtauǧa jäne naqty derekter negızınde tiıstı şaralar qabyldauǧa mümkındık beredı.
Atalǧan jūmystardyŋ nätijesı de aitarlyqtai. 2025 jyly «Eco Almaty» JŞS jäne «Renessans plius» kompaniiasynyŋ mamandary tarapynan 186 myŋnan astam ölşeu jūmysy jürgızılıp, ekologiialyq talaptardy būzǧan tūlǧalarǧa qatysty 20 myŋǧa juyq äkımşılık hattama toltyrylǧan. Osy şaralar aiasynda salynǧan aiyppūldardyŋ jalpy somasy 653 million teŋgeden asyp, būl ekologiialyq zaŋnamanyŋ oryndaluyn qamtamasyz etudegı baqylaudyŋ küşeigenın körsetedı.
Sonymen qatar jospar şeŋberınde qorşaǧan ortaǧa terıs äserı joǧary nysandardy anyqtau baǧytyndaǧy jūmystar da qolǧa alynǧan. Atap aitqanda, qatty otyndy paidalanatyn qoǧamdyq tamaqtanu oryndary, onyŋ ışınde kömır nemese aǧaş jaǧyp jūmys ısteitın käuaphanalar men monşalarǧa erekşe nazar audarylyp otyr. Būl nysandardyŋ atmosferalyq auaǧa tigızetın äserın azaitu maqsatynda tiıstı tekseruler jürgızılıp, ekologiialyq talaptardy saqtau boiynşa tüsındıru jäne baqylau şaralary jüzege asyryluda. Atalǧan baǧyttaǧy jūmystar aldaǧy uaqytta da jalǧasatyn bolady.
Aita ketu kerek, qazırgı taŋda Almaty qalasynda «Almaty qalasynyŋ aumaǧynda atmosferalyq auany qorǧau salasyndaǧy arnaiy ekologiialyq talaptardy engızu turaly» jaŋa erejeler jobasy äzırlendı. Atalǧan qūjat qazırgı uaqytta müddelı memlekettık organdarmen kelısu räsımınen ötıp jatyr. Jaŋa erejeler halyq pen biznes subektılerıne qoldau körsetu tetıkterın qarastyryp, ekologiialyq taza tehnologiialarǧa kezeŋ-kezeŋımen köşuge, sondai-aq avtoparktı jaŋartuǧa arnalǧan qūqyqtyq negız qalyptastyrudy közdeidı.
Būl erejeler qabyldanǧannan keiın kütıletın nätijeler jan-jaqty ärı keşendı bolmaq. Eŋ aldymen, negızgı lastauşy közderdıŋ bırı sanalatyn avtokölık parkı qataŋ ekologiialyq baqylauǧa alynady. Būǧan deiın ekologiialyq retteuge az deŋgeide tartylǧan III sanattaǧy käsıporyndar da jaŋa talaptarǧa säikes ekologiialyq normalardy saqtauǧa jäne mındettı tekseruden ötuge tiıs bolady. Sonymen qatar aua sapasyn täulık boiy jedel baqylauǧa mümkındık beretın bıryŋǧai monitoring jüiesın qūru josparlanyp otyr. Būl jüie arqyly alynatyn derekter tūrǧyndar üşın aşyq formatta ūsynylyp, qala ekologiiasynyŋ jai-küiı turaly aqparattyŋ qoljetımdılıgın arttyrady.
