Túrkııadaǵy prezıdenttik saılaý dodasynda daýystardyń 96,15 paıyzyn sanaý qorytyndysy boıynsha birde-bir úmitker 50 paıyzdan artyq tańdaý jınaı almaǵan. Bul daýys berýdiń ekinshi kezeńi ótedi degen sóz, dep habarlaıdy "Adyrna" portaly.
Anadolu agenttiginiń habarlaýynsha, Túrkııadaǵy prezıdenttik saılaýda daýystardyń 96,15 paıyzy sanalǵan kezde kandıdattar qajetti 50 paıyzdy jınaı almaǵan. Osylaısha, saılaýshylardyń 49,42 paıyzy qazirgi prezıdent Rejep Taıyp Erdoǵanǵa daýys berdi. Onyń basty básekelesi Kemal Kylychdaroǵlý 44,88% daýys jınady. Túrkııa zańyna sáıkes, eger kandıdattardyń eshqaısysy daýystardyń jartysynan kóbin jınaı almasa, saılaýdyń ekinshi kezeńi ótýi kerek.
Daýys berýdiń ekinshi kezeńi Túrkııada 28 mamyrǵa belgilengen.
Al Ankarada júzdegen adam daýys berý nátıjesin kútip otyr.
Túrkııada prezıdent saılaýymen qatar parlament saılaýy da ótýde. Ol jerde daýystardy sanaý 95 paıyzdy qurady. Aldyn ala nátıjeler mynadaı: bıliktegi Ádilet jáne damý partııasy – 49,47%, oppozıııalyq Respýblıkalyq halyq partııasy – 34,09%.
Saılaý ýchaskeleri jabylǵanǵa deıin saılaý kezinde eshqandaı zań buzýshylyq bolǵan joq. Bul týraly 14 mamyr kúni keshke Joǵary saılaý keńesiniń tóraǵasy Ahmet Ener málimdedi.
"Adyrna" ulttyq portaly
