Depýtat Rınat Zaıtov Parlamenttiń kezekti otyrysynda óziniń depýtattyq saýalyn Almaty qalasy ákimi Erbolat Dosaevqa, premer-mınıstr orynbasary Altaı Kólginovke joldady. Ol qazaqtyń aıtys óneriniń qoǵam úshin mańyzdylyǵyn aıtyp, Almaty qalasynan arnaıy jeke ǵımarat usynýdy surady, dep jazady "Adyrna". Bul týraly Parlamentte aıtyldy.
"Qazaq halqy úshin aıtys óneriniń orny árqashan erekshe bolǵan. Sóz qadirin, óz qadirim dep uqqan qazaq, aıtys ónerin birtutas memlekettiń múddesin qorǵaıtyn pikirtalas alańy dep bildi. Búgingi kúnge deıin ara tura mınıstrlikten bólingen qarjyǵa uıymdastyrylyp júrgen aıtystar bolǵany bolmasa, memleketten mardymdy qoldaý kórdi dep aıta almaımyz. Sizderden suraıtynymyz, birinshiden Almaty qalasynan Aıtysker aqyndar men jyrshy-termeshiler odaǵynyń turaqty meken-jaıy bolatyn arnaıy ǵımarat qarastyrýylaryńyzdy, sondaı-aq Mádenıet mnıstrligi tarapynan júıeli qarjylandyrýlaryńyzdy suraımyz" dedi Zaıtov.
Qoǵam belsendisi, aıtysker aqyn, jýrnalıst Ońaǵar Qabden vıdeony jelide bólisip, atalmysh ǵımaratqa Júrsin Ermannyń atyn berse de artyq etpeıtinin jazdy:
"Aıtysker aqyndar men jyrshy-termeshiler Odaǵyna dep qabyldańyzdar. Jyraýlar men termeshiler de ógeı balanyń kúıin keship júrgeni ótirik emes. Ár oblys ortalyǵynda Assambleıaǵa da bir bir záýlim saraı berdik qoı. Aqyndar men jyrshy, termeshilerdiń óz aldyna jeke saraıy bolǵany durys. Ol saraıǵa Júrsin Ermannyń atyn berip qoısa da artyq emes" dep bólisti ol.
