30 säuır audan äkımı Aslanbek Sarqūlovtyŋ qatysuymen memlekettık materialdyq rezervten audanymyzǧa berılgen tehnikalardy tabystau räsımı öttı, dep habarlaidy "Adyrna" ūlttyq portaly.
Qazaqstan halyqtarynyŋ bırlıgı künı merekesı qarsaŋynda ötken saltanatty ıs-şaraǧa audan äkımınıŋ orynbasarlary, audandyq mäslihat töraǧasy Sarsenbai Moldaşev, audandyq qoǧamdyq keŋes töraǧasy Maǧauiia Esmaǧūlov, audandyq ardagerler keŋesınıŋ töraǧasy Jüsıp Şakuov jäne audan tūrǧyndary qatysty.
Su tasqyny kezınde audanymyzdyŋ bırqatar auyldary men eldımekenderı taza auyz susyz qalǧan edı. Jergılıktı atqaruşy organdar ıs-qimylynyŋ nätijesınde su tasqyny qaupı seiıldı.
—Köktemgı su tasqyny saldarynan Kaztalov audanynyŋ auyldary men eldımekenderı taza auyz susyz qaluyna bailanysty memlekettık materialdyq rezervten 2 kamaz
avtokölıgı bazasyndaǧy su tazalaǧyş, 1 gazel avtokölıgı bazasyndaǧy su tazalaǧyş maşina (jyljymaly «Taza su»filtrlı qondyrǧysy) jäne su joq eldı mekenderge su tasymaldauǧa qajettı 2 dana su tasymaldauşy (vodovoz) kölıgı alyndy. Sonymen qatar köktemgı su tasqyny saldarynan oblystyq jäne audandyq maŋyzy bar avtojoldarda su jyru faktılerı oryn alǧan bolatyn. Osy avtojoldardy qalpyna keltıruge audanymyzǧa memlekettık materialdyq rezervten qajettı 1 dana auyr avtogreider bölınıp, paidalanuǧa berılıp otyr. Qoldau körsetken QR Tötenşe jaǧdailar ministrlıgıne jäne oblys äkımdıgıne audan tūrǧyndary atynan rizaşylyǧymdy bıldıremın, - dedı audan äkımı.
Ūqsas jaŋalyqtar
Kaztalov audany äkımdıgınıŋ baspasöz qyzmetı
