Qaztalov audanynyŋ ortalyǧyna qaşyq ornalasqan Qaiyŋdy auylynda mädeniet üiınıŋ ǧimaraty paidalanuǧa berıldı. Mädeniet üiınıŋ jalpy audany 3600 şarşy metrdı qūraidy. Osy uaqytqa deiın audan äkımınıŋ halyqpen kezdesuınde qaiyŋdylyqtar auylǧa jaŋa mädeniet üiınıŋ qajet ekendıgı jönınde mäselenı jiı köterıp jürdı. Halyqtyŋ talap-tılegı oryndalyp, zaman talabyna sai ruhani orda esıgın aiqara aşty.
Mädeniet üiınıŋ aşylu saltanatyna qatysqan öŋır basşysy Nariman Töreǧaliūly auyl halqyn jaŋa nysannyŋ aşyluymen qūttyqtap, jyly lebızın bıldırdı.
— Oblysymyzda bırqatar infraqūrylymdyq jobalar men memlekettık baǧdarlamalar jüzege asuda. Oblys ortalyǧy men audandarda bılım ordalary men mädeniet üilerınıŋ qūrylystary jürgızılude. Qaiyŋdy auylyndaǧy mädeniet üiınıŋ jobasyn özge de auyldar men eldı mekenderde jüzege asyramyz. Aldaǧy uaqytta Kaztalov-Qaiyŋdy baǧytyndaǧy jol qūrylysy mäselesın de qarastyratyn bolamyz. Mädeniet üiınen elge belgılı öner maitalmandary qanat qaǧady degen senımdemın, — dedı oblys äkımı.
«Auyl — el besıgı» baǧdarlamasy aiasynda salynǧan mädeniet oşaǧynyŋ qūrylys jūmystaryn «Daren Stroi Servis» JŞS jürgızdı. 150 oryndyq körermen zaly, auyldyq kıtaphana ornalasqan ǧimaratta 5 adam jūmyspen qastylyp otyr. Qauıpsızdık mäselesı de nazardan tys qalmai, ışkı jäne syrtqy beinebaqylau kameralary ornatylǧan.
Nysannyŋ saltanatty aşyluynda söz
alǧan auyl tūrǧyny, sala ardagerı Toqjan Oraz jergılıktı atqaruşy organdarǧa halyq atynan alǧysyn aitty.
— Bügın auylymyzda köpten kütken quanyş. Aq tüienıŋ qarny jarylyp, mädeniet üiı halyqqa esıgın aiqara aşqaly otyr. «Köp tılegı köl» deidı dana halqymyz. Auylǧa mädeniet üiınıŋ qajet ekenı jiı köterılıp jürgen mäsele edı. Bügın jaŋa mädeniet oşaǧynyŋ aşylu saltanatyna kuä bolyp otyrmyz. Prezidentımızdıŋ är bastamasyn mūqiiat qarap otyramyz. Soŋǧy joldauynda atap ötken elımızdı damytudaǧy bastamalaryn tolyǧymen qoldaimyz. Atom elektr stansiiasyn salu täuelsız memleket retınde damudyŋ bırden bır joly dep bılemız. Auylymyzda mädeniet oşaǧy boi köterıp jaŋa tūrǧyn üiler salynuda, aldaǧy uaqytta auyldyŋ ışkı joldary da jöndeletın bolady. Halyqtyŋ ünıne qūlaq türgen jergılıktı atqaruşy organdarǧa auyl halqy atynan alǧysymdy bıldıremın! Ūltymyzdyŋ ruhyna qalqan bolar mädenietımız asqaqtai bersın, — degen auyl tūrǧyny oblys basşylyǧyna Kaztalov auylyna qatynaityn tıke joldyŋ salynuyna yqpal etuın sūrady.
Mädeniet oşaǧynyŋ lentasyn oblys äkımı Nariman Töreǧaliev, audandyq mäslihat töraǧasy Särsenbai Moldaşev, mädeniet salasynyŋ ardagerı Sansyzbai Näbiev qidy. Jaŋa mädeniet oşaǧyna oblys äkımınıŋ atynan 3 kondisionerdıŋ sertifikaty tabystaldy.
Ūqsas jaŋalyqtar
